Sport

VIDEO/ Federata Italiane nis hetimet, pas festimeve të golit të stërnipit të Musolinit…

I pritur me përshëndetje fashiste, goli i Romano Floriani Musolinit, stërnipit të Benitos, të dielën me Juve Stabia në Serinë B, provokoi hapjen e procedurave federale.

24 Dhjetor 2024, 10:00 Nga DOSJA

 

VIDEO/ Federata Italiane nis hetimet, pas festimeve të golit të

ITALI - Mbrëmjen e së dielës, gjatë ndeshjes së Serisë B ndërmjet Juve Stabia dhe Cesena (1-0), Romano Floriani Mussolini shënoi golin e fitores.

21 vjeçari, i stërvitur te Lazio dhe i huazuar këtë sezon te Juve Stabia, një klub në periferi të Napolit, ky mbrojtës nuk është askush tjetër veçse stërnipi i Benito Musolinit.

Sipas imazheve të postuara në rrjetet sociale, dhjetëra mbështetës të Juve Stabia kanë thërritur vazhdimisht “Musolini, Musolini”, të shoqëruar nga përshëndetja fashiste, me krahët e shtrirë drejt horizontit, për të festuar golin e tij.

Pamje të cilat nxitën Federatën Italiane të Futbollit të nisë procedimet kundër këtyre tifozëve. “Punonjësit e prokurorisë federale të federatës do t'i dërgojnë një raport mbi incidentin, shoqëruar me materiale video, gjyqtarit sportiv të Serisë B për një vendim,” thanë drejtuesit e federatës.

Nëna e Florianit, Alessandra, një ish-deputete italiane dhe evropiane, është mbesa e Benito Musolinit, themeluesit të fashizmit që sundoi Italinë nga viti 1922 deri në 1943.

Muajin e kaluar, Romano Floriani Mussolini foli për Gazzetta dello Sport: “Çfarë mund të bëj për këtë? Ajo që ka rëndësi është se çfarë bëj në fushë. Ai (stërgjyshi i tij) ishte një figurë shumë e rëndësishme për Italinë, por tani jemi në vitin 2024 dhe bota ka ndryshuar”.

B.T (Dosja.al)

Sondazh

Poll

MË SHUMË