Politike

"Akt ekspertimi për raportimet mjekësore nuk është i plotë!" Shtyhet sërish seanca për Safet Gjicin

Mësohet se Prokurori i çështjes ngriti pretendimin se akt ekspertimi i IML nuk është i plotë.

23 Dhjetor 2024, 11:45 Nga M.B
"Akt ekspertimi për raportimet mjekësore nuk është i
Safet Gjici

TIRANA-  Seanca për ndryshimin e masës për Safet Gjicin është shtyrë sërish. Ndërkohë, seanca e radhës u vendos të mbahet më 30 janar në orën 10:00. Mësohet se Prokurori i çështjes ngriti pretendimin se akt ekspertimi i IML nuk është i plotë.

Prokurori tha se nuk i përgjigjet pyetjes nëse institucioni i vuajtjes së dënimit në të cilin ndodhet Gjici ofron trajtimin mjekësor të nevojshëm që të mos i rrezikohet jeta si dhe të shkruhet terapia mjekësore që duhet për sëmundjen e Gjicit.

Avokati i ish-kryebashkiakut kërkoi lirinë e Gjicit edhe në seancën e mëparshme, pasi sipas tij, ai nuk mund të trajtohet në burg. Por kjo i mbetet ekspertëve të përcaktojnë nëse Gjici mund të kurohet në kushte izolimi apo i rrezikohet jeta. Gjithashtu duhet të përcaktojnë nëse ish-kryebashkiaku mund të marrë trajtimin e nevojshëm mjekësor në kushtet e burgut dhe nëse i rrezikohet jeta nga qëndrimi në izolim. 

Safet Gjici është i dënuar me 3 vite burgim ka ende për të shlyer 1 vit e 2 muaj dënim të mbetur, ndërkohë aktualisht ai gjendet i hospitalizuar. Sipas avokatit të tij, Gjici po trajtohet në një spital privat por duke mos dhënë më shumë detaje. Avokati shprehet se këto problematika Gjici i ka vuajtur edhe më herët, por gjendja e rënduar psikologjike në burg ka rënduar edhe gjendjen e tij shëndetësor.

safet gjici

Sondazh

Poll

MË SHUMË