Politike

Protesta e 23 Dhjetorit/ Zbardhet plani i opozitës, ja kryqëzimet kryesore në Tiranë që do të bllokohen

Simpatizantët e opozitës do të bllokojnë disa nyje kryesore të qarkullimit në Tiranë.

21 Dhjetor 2024, 13:36 Nga E. D
Protesta e 23 Dhjetorit/ Zbardhet plani i opozitës, ja kryqëzimet
foto ilustruese

TIRANË- Partia Demokratike do të mbajë protestën e rradhës me të hënën, 23 dhjetor. Mëson se protesta e PD-së është planifikuar të nisë në orën 17:00. Mësohet se simpatizantët e opozitës do të bllokojnë disa nyje kryesore të qarkullimit në Tiranë.

Segmentet që do të bllokohen janë rruga pranë Bashkisë së Tiranës, rreth-rrotullimi tek “Zogu i Zi”, tek sheshi “Wilson”, tek “Pallati me Shigjeta”, si dhe kryqëzimi tek “Rruga e Elbasanit”, pranë xhamisë së “Namazgjasë”.

Partia Demokratike ka njoftuar sot se të hënën më 23 dhjetor do të mbahen dy protesta. Me anë të një postimi në rrjetet sociale PD bën me dije se veç protestës së lajmëruar për tu mbajtur në Tiranë, një tjetër do të mbahet po atë ditë në Londër pranë Ambasadës shqiptare.

Gjithashtu bëhet e ditur se protesta në Tiranë do të mbahet në orën 17:00 dhe në Londër në orën 15:30. Sipas Partisë Demokratike kjo protestë vjen si solidarizimi me Shqipërinë kundër qeverisë së drejtuar nga krimi.

protesta e opozites

Sondazh

Poll

MË SHUMË