Politike

Matteo Renzi intervistë për Piranjat: Në qendrat e emigrantëve në Shëngjin të vendosen dy mijë shqiptarët që ndodhen në burgjet italiane

Ish-kryeministri italian ka njoftuar se ka zhvilluar edhe një intervistë, që do të transmetohet në Syri Tv, me gazetarin e Piranjave që ka shkruar skandalin e publikuar dy javë më parë. 

12 Dhjetor 2024, 13:16 Nga r.ll
Matteo Renzi intervistë për Piranjat: Në qendrat e
foto nga takimi

ITALI- Ish-kryeministri i Italisë dhe lideri i Italia viva, Matteo Renzi në një postim në rrjetet e tij sociale ka bërë me dije se ka zhvilluar një takim me stafin e emisionit "Piranjat", producentin Vojo Bregu, autorin e programit, Taulant Kopliku dhe gazetaren Luela Gaxhja, e cila bëri investigimin për policët italianë në Gjadër.

Në postimin të cilin e ka shoqëruar me një foto nga takimi, Renzi shkruan se lidhur me kampet e refugjatëve, opozita italiane duhet të bëjë propozime jo të kritikojë. Ai ka propozuar që në qendrat e emigrantëve të vendosen rreth dy mijë të burgosurit shqiptarë që ndodhen aktualisht në burgjet italiane. Ish-kryeministri italian ka njoftuar se ka zhvilluar edhe një intervistë, që do të transmetohet në Syri Tv, me gazetarin e Piranjave që ka shkruar skandalin e publikuar dy javë më parë. 

POSTIMI I RENZIT: 

Opozita duhet të bëjë propozime, nuk mund të kritikojë. Kështu që unë dua të bëj pjesën time për çështjen e qendrës së emigrantëve në Shqipëri. Meloni shpenzon pothuajse një miliard euro për një projekt që nuk qëndron. Ajo qendër emigrantësh nuk do të ndërtohet kurrë. Por paratë tani janë shpenzuar.

Propozimi im është i thjeshtë: le të vendosim rreth dy mijë të burgosurit shqiptarë që ndodhen aktualisht në burgjet italiane në qendrën e emigrantëve. Në këtë mënyrë reduktojmë mbipopullimin. Ne ulim kostot. Dhe le të mos mbajmë më karabinierët dhe policët në Shqipëri: këta agjentë duhen në Itali, duhen në rrugët tona. Javën e kaluar programi shqip Piranjat tregoi se çfarë bën vërtet policia në Shqipëri: Kam bërë një intervistë me gazetarin që ka shkruar scoop-in, e cila do të transmetohet nesër në Syri TV. Dhe unë bëra këtë propozim: ta shndërrojmë qendrën e emigrantëve në një burg për shqiptarët e paraburgosur në Itali. Le ta bëjmë tani.

Matteo Renzi intervistë për Piranjat: Në qendrat e

matteo renzi marreveshja shqiperi-itali per emigrantet piranjat

Sondazh

Poll

MË SHUMË