Bota

Rebelët morën nën kontroll shtëpinë e tij në Damask, publikohen albumet e fotove nga momente të jetës së Bashar al-Assadit

Nga fotot duket qartë se Asma bënte një jetë luksoze me fëmijët e tyre, ndërkohë që bashkëshorti i saj orkestronte vrasjen e mijëra qytetarëve sirianë, të cilët jetonin në varfëri absolute.

11 Dhjetor 2024, 22:06 Nga N.F
Rebelët morën nën kontroll shtëpinë e tij në
Bashar dhe Asma al-Assad

SIRI- Kanë bërë xhiron e internetit orët e fundit pamjet nga shtëpia e ish-diktatorit të Sirisë, Bashar al-Assad, ku ai jetonte me familjen e tij, në një lagje të Damaskut. Siç raporton media britanike Sky News, e cila ka publikuar edhe fotot e albumeve të tij të marra nga rebelët, kjo ishte shtëpia kryesore e ish-diktatorit, gruas së tij me origjinë britanike, Asma dhe fëmijëve të tyre, në të cilën ata ruanin edhe thesaret e tyre.

Sigurisht, civilët dhe rebelët sirianë kanë plaçkitur pjesën më të madhe të shtëpisë. Po kështu dhoma e zhveshjes së Asma-s, ku dyshemeja ishte e mbuluar me kuti të panumërta bizhuterish, veprash antike dhe sende stilistëve të njohur. Nga fotot duket qartë se Asma bënte një jetë luksoze me fëmijët e tyre, ndërkohë që bashkëshorti i saj orkestronte vrasjen e mijëra qytetarëve sirianë, të cilët jetonin në varfëri absolute.

Në katin e poshtëm të shtëpisë janë gjetur edhe dosje të ndryshme. Midis tyre ishin të dhënat bankare me emrin e vajzërisë së Asma, të cilat përfshinin shuma marramendëse deri në 22.5 milionë dollarë. Nëpër intervista, Asma këmbëngulte se Asadët bënin një jetë të klasës së mesme, një deklaratë që nuk u besua nga shumica e botës dhe tashmë nga ajo që shihet bëhet e qartë se familja në të vërtetë “notonte” në pasuri.

 

bashar al-assad damask siri

Sondazh

Poll

MË SHUMË