Bota

Putin: Me raketat 'Oreshnik', përdorimi i armëve bërthamore mund të mos jetë i nevojshëm

Gjithashtu presidenti rus foli edhe për pushtimin e Ukrainës, duke theksuar se qëllimi është të forcohet vetë Rusia dhe të mbrohet e ardhmja e saj.

10 Dhjetor 2024, 16:05 Nga E. D
Putin: Me raketat 'Oreshnik', përdorimi i armëve
Vladimir Putin

RUSI- Presidenti rus Vladimir Putin tha se përdorimi i sistemeve raketore me rreze të mesme Oreshnik do të minimizojë nevojën për të përdorur armë bërthamore. Gjithashtu presidenti rus foli edhe për pushtimin e Ukrainës, duke theksuar se qëllimi është të forcohet vetë Rusia dhe të mbrohet e ardhmja e saj.

“Ne nuk po e shtrëngojmë doktrinën tonë bërthamore, por po e përmirësojmë. Dhe kështu, në përgjithësi, ajo që duhet të përmirësojmë tani nuk është doktrina bërthamore, por raketat Oreshnik. Nëse e shikoni me kujdes, një numër i mjaftueshëm i këtyre sistemeve moderne të armëve na sjell në prag të mos përdorimit të armëve bërthamore”, tha Putin.

Më tej ai tha se ngjarje kritike po ndodhin në linjën e kontaktit ushtarak në kuadër të operacionit ushtarak në Ukrainë. Por që vendi të arrijë objektivat që ka vendosur, duhet të punojë efektivisht në të gjitha fushat.

vladimir putin

Sondazh

Poll

MË SHUMË