Sport

Premier League/ West Ham i rikthehet suksesit dhe trajneri Lopetegui shpëton pankinën: fitoi 2-1 kundër Wolves

West Ham i jep vetes pak ajër në renditje, pas një ndeshjeje kushtuar Michail Antonio, sulmuesit londinez, viktimë e një aksidenti të rëndë automobilistik të shtunën.

10 Dhjetor 2024, 08:00 Nga DOSJA

Premier League/ West Ham i rikthehet suksesit dhe trajneri Lopetegui

ANGLI - Duhej një fitore për të rifilluar veten dhe mbi të gjitha për të shpëtuar stolin e Julen Lopeteguit në Premier League.

Të hënën, në mbrëmje West Ham mposhti 2-1 me vështirësi Wolverhampton dhe largohet nga zona e rrezikut në tabelën e renditjes. Gjithçka ndodhi në pjesën e dytë: Soucek (54’) kaloi ‘Hammers’ në avantazh, Doherty (69’) barazon rezultatin për Wolves, por dy minuta më vonë Bowen shënoi golin vendimtar për 2-1, që i shpëtoi pankinën trajnerit spanjol.

Premier League/ West Ham i rikthehet suksesit dhe trajneri Lopetegui

Ky sukses, pas  javës së 15-të duhet t'i japë pak frymëmarrje Julen Lopeteguit, trajnerit spanjol të londinezëve, i dobësuar nga dy humbje të rënda radhazi kundër Arsenalit (2-5) dhe Leicesterit (1-3). Skuadra e tij tani është nëntë pikë larg zonës së rënies.

Për Wolverhamptonin, i mbërthyer në vendin e 19-të, kjo humbje e tretë radhazi mund të jetë shumë e madhe për trajnerin, Gary O'Neil, teksa pritet një takim vendimtar kundër Ipswich i 18-ti, të shtunën.

B.T (Dosja.al)

Sondazh

Poll

MË SHUMË