Aktualitet

"Mos të flasin keq në gjykatë!" Dosja “Sky ECC” në Greqi/ Dalin komunikimet, Sandër Pemaj: Deri fund të shtatorit do jemi mbretër të Athinës!

Media greke “Documento” i ka kushtuar një artikull të gjatë dosjes “Sky ECC” që çoi në pranga një oficerin e policisë greke, i cili ka shërbyer më parë në sektorin anti-drogë si dhe dy trafikantë, grekun me inicialet K. G., dhe 45-vjecarin shqiptar Sandër Pemaj, aktualisht i dënuar për trafikun e rreth 1.2 ton kokainë nga Karaibet në Greqi.

8 Dhjetor 2024, 16:16 Nga M.B
"Mos të flasin keq në gjykatë!" Dosja “Sky
Foto ilustruese

GREQIA- Të tjera detaje vijojnë të dalin lidhur me operacionin e pak ditëve më parë të zhvilluar në Greqi dhe të iniciuar nga komunikumet në platformat Sky Ecc dhe EnchroChat. Media greke “Documento” i ka kushtuar një artikull të gjatë dosjes “Sky ECC” që çoi në pranga një oficerin e policisë greke, i cili ka shërbyer më parë në sektorin anti-drogë si dhe dy trafikantë, grekun me inicialet K. G., dhe 45-vjecarin shqiptar Sandër Pemaj, aktualisht i dënuar për trafikun e rreth 1.2 ton kokainë nga Karaibet në Greqi.

Sipas kësaj mediaje, në një bisedë K. G., shprehet se “njeriu i tyre” në Marusi “për 5 vjet do bëhet Shef”, ndërsa në gusht 2020, shqiptari Sandër Pemaj parashikon që me mbulimin e S. T., nga Marusi (një oficer që ndiqet në gjendje të lirë për këtë cështje) dhe të një personi tjetër, do bëhen “mbretër të Athinës”.

Ata komunikojnë edhe për një çështje që ka shkuar në gjykatë, me të pandehur persona të njohur nga ta. Ata flasin për një polic me inicialet A. T, atëherë me shërbim tek Anti-Droga e Athinës, i cili ishte në varësi të S. T., të cilin bashkëbiseduesit e thërrasin “Marusi”.

Bisedat:

Sandër Pemaj: Deri fund shtatori do jemi mbretër të Athinës.

Sandër Pemaj: Të jap fjalën.

G: Makar ore vëllai im.

Sandër Pemaj: Do duhen edhe çunat për mbulim.

G: Dhe Marusin dhe shokun.

G: Ata janë me ne vëlla në gjithçka.

...

G: Cfarë është ky?

Sandër Pemaj: Polic.

Sandër Pemaj: I T. (mbiemri i tij).

Sandër Pemaj: Thuaji S. (Oficeri S. T).

Sandër Pemaj: Është i tij.

Sandër Pemaj: Për Enin (i akuzuari).

Sandër Pemaj: 11 shtator.

Sandër Pemaj: Shkon në gjykatë.

G: Cfarë të bëjë S. (oficeri S. T).

G: Cfarë t'i thotë A. (polici A. T).

Sandër Pemaj: Mos të flasin keq në Gjykatë.

dhe biseda vijon…

Sandër Pemaj: O tiransi.

Sandër Pemaj: E mban mënd.

Sandër Pemaj: Që u kap me kumbarin.

G: Të shkurtrin nga Menidhi?

G: Po vëllacko kuptova për kë thua. E mbaj mend atë djalë, djalë i mirë. Po, do t’i them unë S. Do vijë të hënën ta dish. Të hënën kam takim.

sky ecc

Sondazh

Poll

MË SHUMË