Sport

Befasi?... Manchester United bie edhe në “Teatrin e Endërrave” nga Nottingham

Mbrëmjen e kësaj të shtune, Manchester United humbi në shtëpi nga Nottingham Forest (2-3), në kuadër të ditës së 15-të të Premier League. Kjo është humbja e parë e “Djajve të Kuq” në Old Trafford që kur drejtohen nga Ruben Amorim.

7 Dhjetor 2024, 21:08 Nga DOSJA

Befasi?... Manchester United bie edhe në “Teatrin e

ANGLI - Ndeshja përfundoi në ‘Teatrin e Endërrave’, një emër që sigurisht sot nuk do të bëjë drejtësi, për atë që do të ndiejnë Ruben Amorim, dhe lojtarët e Manchester United pas humbjes ndaj Nottingham Forest (3-2).

Ndeshja praktikisht filloi me Nottingham në epërsi, me Milenkoviç që hapi rezultatin 88 sekonda pas lojës. Hojlund u kundërpërgjigj pothuajse menjëherë, me gol në minutën e 18-të. Rezultati ishte i barabartë në pjesën e parë.

Pjesa e dytë nisi në mënyrën më të keqe të mundshme për ata të udhëhequr nga Ruben Amorim, i cili pa që lojtarët e Nuno Espírito Santo të shënonin dy gola në shtatë minuta. Fillimisht Gibbs-White në minutën e 47-të dhe më pas Chris Wood në minutën e 54-të. Më e mira që arriti Bruno Fernandes ishte ngushtimi i epërsisë në minutën e 61-të.

Kjo është humbja e dytë radhazi e Manchester United nën drejtimin e Ruben Amorimit. Me këtë rezultat, Manchester United renditet në vendin e 13-të, me 19 pikë, ndërsa Nottinghami tashmë është në vendin e 5-të, me 25 pikë.

B.T (Dosja.al)

 

Sondazh

Poll

MË SHUMË