Politike

Kontrollet në veri të Kosovës pas sulmit në Zubin Potok/ Kurti: Janë gjetur emblema ruse dhe serbe! Dëshmi e përfshirjes potenciale të grupeve terroriste me lidhje të forta në Serbi

Ai shtoi se ky zbulim dëshmon përfshirjen e grupeve ekstremiste dhe terroriste ruso-serbe me lidhje të forta në Serbi që duan destabilizimin e Kosovës dhe rajonit.

7 Dhjetor 2024, 17:56 Nga N.F

Kontrollet në veri të Kosovës pas sulmit në Zubin Potok/

Emblemat

KOSOVË- Kryeministri i Kosovës, Albin Kurti përmes një postimi në llogarinë e tij në "Facebook" ka publikuar një fotografi me emblemat e gjetura pas kontrolleve të zhvilluara më 29 nëntor në Zubin Potok. Kurti më tej në postim thekson se këto emblema janë ruse dhe serbe të cilat u përkasin strukturave të inteligjencës, ushtrisë dhe sigurisë. Ai shtoi se ky zbulim dëshmon përfshirjen e grupeve ekstremiste dhe terroriste ruso-serbe me lidhje të forta në Serbi që duan destabilizimin e Kosovës dhe rajonit.

“Pas bastisjeve në veri të Kosovës, në lidhje me sulmin kinetik terrorist të datës 29 nëntor 2024 ndaj kanalit të Ibër Lepencit, janë konfiskuar armë, uniforma dhe pajisje të ndryshme, si dhe janë gjetur emblema ruse dhe serbe të strukturave të inteligjencës, ushtrisë dhe sigurisë. Ky zbulim shqetësues dëshmon për përfshirjen potenciale të grupeve ekstremiste dhe terroriste serbo-ruse, me lidhje të forta në Serbi, që kanë për qëllim destabilizimin e Kosovës dhe krijimin e një mjedisi të pasigurt në rajon”, ka shkruar Kurti.

Ai shtoi se stabiliteti dhe paqja në Ballkan kërkojnë një reagim të unifikuar e vendimtar ndaj sulmeve të tilla terroriste dhe aktiviteteve që rrezikojnë sigurinë e përgjithshme në rajon.

“Stabiliteti dhe paqja në Ballkan kërkojnë një reagim të unifikuar dhe vendimtar kundër këtyre aksioneve terroriste dhe aktiviteteve destabilizuese që rrezikojnë sigurinë e përgjithshme dhe vlerat demokratike në rajon”, shkruan Kurti.

Kontrollet në veri të Kosovës pas sulmit në Zubin Potok/

kurti sulmi ne zubin potok serbia rusia

Sondazh

Poll

MË SHUMË