Politike

9 dhjetori, Dita Ndërkombëtare e Luftës ndaj Korrupsionit/ Ambasada e SHBA: Kontribuon në pabarazi e padrejtësi

Me anë të një postimi në rrjetet sociale, Ambasada shkruan se korrupsioni kontribuon në pabarazi dhe padrejtësi, prandaj të rinjtë mund të formojnë një të ardhme pa të. Në postim shtohet se të rinjtë nuk janë vetëm viktima; ata janë agjentë të fuqishëm të ndryshimit. 

2 Dhjetor 2024, 16:16 Nga M.B
9 dhjetori, Dita Ndërkombëtare e Luftës ndaj Korrupsionit/
Ambasada

TIRANA- Ambasada e SHBA-ve në Tiranë ka deklaruar se në Ditën Ndërkombëtare të Luftës kundër Korrupsionit, më 9 dhjetor do të nderohen kampionët ndërkombëtarë kundër korrupsionit të këtij viti dhe do të promovohen individë nga e gjithë bota, të cilët qëndrojnë me guxim kundër korrupsionit. Me anë të një postimi në rrjetet sociale, Ambasada shkruan se korrupsioni kontribuon në pabarazi dhe padrejtësi, prandaj të rinjtë mund të formojnë një të ardhme pa të. Në postim shtohet se të rinjtë nuk janë vetëm viktima; ata janë agjentë të fuqishëm të ndryshimit. 

"Teksa i afrohemi Ditës Ndërkombëtare të Luftës kundër Korrupsionit më 9 dhjetor, ne njohim rolin thelbësor që të rinjtë luajnë në luftën kundër korrupsionit. Me 1.9 miliardë të rinj në mbarë botën, ai ua merr atyre mundësitë arsimimin, punësimin, shërbimet shëndetësore dhe mundësinë për të shkëlqyer. Korrupsioni kontribuon në pabarazi dhe padrejtësi.

Por të rinjtë nuk janë vetëm viktima; ata janë agjentë të fuqishëm të ndryshimit. Duke kërkuar llogaridhënie, transparencë dhe duke nxitur novacionin, të rinjtë mund të formojnë një të ardhme pa korrupsion. Na ndiqni teksa U.S. Department of State do të nderojë kampionët ndërkombëtarë kundër korrupsionit të këtij viti më 9 dhjetor dhe do të promovojë individë nga e gjithë bota, të cilët qëndrojnë me guxim kundër korrupsionit", shkruan ambasada amerikane. 

 

ambasada amerikane

Sondazh

Poll

MË SHUMË