Bota

Pas sulmit të madh rus në objektet energjetike, mbi 1 milion familje në Ukrainë mbetën pa energji elektrike

Ky është sulmi i 11-të në shkallë të gjerë i Rusisë ndaj furnizimeve energjetike të Ukrainës vetëm këtë vit, sipas ministrisë së energjisë në Kiev, një strategji që ka shkaktuar ndërprerje të vazhdueshme në mbarë vendin.

28 Nëntor 2024, 12:17 Nga ZH.LL
Pas sulmit të madh rus në objektet energjetike, mbi 1 milion familje
familje ukrainase

UKRAINË- Më shumë se 1 milion familje mbetën pa energji elektrike në Ukrainë pas një sulmi të gjerë ajror rus që synoi objektet kritike të infrastrukturës energjetike, thanë autoritetet në vend të enjten.

Ky është sulmi i 11-të në shkallë të gjerë i Rusisë ndaj furnizimeve energjetike të Ukrainës vetëm këtë vit, sipas ministrisë së energjisë në Kiev, një strategji që ka shkaktuar ndërprerje të vazhdueshme në mbarë vendin.

Sistemi energjetik i Ukrainës u vu “nën sulm masiv të armikut”, tha të enjten ministri i Energjisë, German Halushchenko, duke shtuar se sulmet ndodhën “në të gjithë Ukrainën”, raporton CNN.

Bombardimet janë intensifikuar muajt e fundit, duke e lënë Ukrainën në një pozitë të pasigurt ndërsa lufta po kalon dimrin e tretë.

Presidenti rus Vladimir Putin tha të enjten se bombardimi ishte një përgjigje ndaj sulmeve të Ukrainës në territorin rus duke përdorur raketa ATACMS të prodhuara nga SHBA. “Siç e kam thënë shumë herë, gjithmonë do të ketë një përgjigje nga ana jonë”, tha Putin gjatë komenteve të bëra në një samit të sigurisë në Kazakistan.

ukraine rusi sulme masive 1 milion familje pa energji

Sondazh

Poll

MË SHUMË