Bota

Kaos në Britani nga stuhia ‘Bert’/ Raportohet për një të vdekur dhe mijëra familje pa energji elektrike

Gjithashtu është shënuar edhe një incident tjetër, ku pesë fëmijë dhe pesë të rritur u bllokuan nga rrëshqitjet e dheut në Uellsin verior.

23 Nëntor 2024, 21:01 Nga e,d
Kaos në Britani nga stuhia ‘Bert’/ Raportohet për një
pamje nga vendngjarja

BRITANI E MADHE- Stuhia ‘Bert’ goditi sot Britaninë dhe Irlandën, duke sjellë erëra të forta, borë dhe rrezik përmbytjesh, duke ndërprerë transportin dhe duke lënë dhjetëra mijëra familje pa energji elektrike. Një burrë rreth të 60-tave u vra mëngjesin e së shtunës në Hampshire të Anglisë, kur një degë peme ra mbi makinën e tij.

Gjithashtu është shënuar edhe një incident tjetër, ku pesë fëmijë dhe pesë të rritur u bllokuan nga rrëshqitjet e dheut në Uellsin verior. Fatmirësisht atja janë shpëtuar dhe të gjithë janë në gjendje të mirë shëndetësore.

Një alarm për përmbytje është lëshuar në shumë pjesë të Anglisë, Uellsit dhe Skocisë, të cilat janë mbuluar nga një shtresë e trashë dëbore. Deri pasdite, rreth 4,000 familje ishin pa energji në Anglinë qendrore dhe jugperëndimore dhe në Uellsin jugor. 27,000 njerëz të tjerë ishin pa energji elektrike në Yorkshire dhe Lincolnshire, në Anglinë verilindore, sipas kompanive që drejtojnë rrjetin.

Një zëdhënës i Shoqatës së Rrjeteve të Energjisë paralajmëroi se situata mund të përkeqësohet. Në perëndim dhe veriperëndim të Irlandës, 60,000 shtëpi, ferma dhe biznese po përjetojnë gjithashtu ndërprerje të energjisë. Shumë rrugë dhe linja hekurudhore u mbyllën dhe shërbimet e trageteve u anuluan. Përmbytjet tashmë janë raportuar në Irlandën perëndimore dhe Irlandën e Veriut.

stuhia ‘bert’

Sondazh

Poll

MË SHUMË