Politike

Lobimi në SHBA dhe CEZ-DIA, Apeli i GJKKO lë në burg Ilir Metën, nuk ndryshon masa as për Kryemadhin

Në seancën e sotme, Apeli ka lënë në fuqi masën e arrestit me burg për Metën dhe masën detyrim paraqitje për Kryemadhin. 

19 Nëntor 2024, 17:14 Nga I.A
Lobimi në SHBA dhe CEZ-DIA, Apeli i GJKKO lë në burg Ilir
Ilir Meta dhe Monika Kryemadhi

TIRANË- Gjykata e Apelit në GJKKO nuk ka ndryshuar masën e sigurisë për kreun e Partisë së Lirisë Ilir Meta dhe as për deputeten Monika Kryemadhi. Në seancën e sotme, Apeli ka lënë në fuqi masën e arrestit me burg për Metën dhe masën detyrim paraqitje për Kryemadhin. Meta ankimoi masën “arrest në burg”, nën arsyetimin se nuk ekziston rrezik që të prishë provat dhe se nuk rrezikohet arratisja e tij pasi ka deklaruar se do të përballet me drejtësinë.

Ilir Meta u arrestua më 21 tetor 2024. Ai dhe deputetja Kryemadhi dyshohen se, duke bashkëpunuar mes tyre dhe me funskionarë të tjerë shtetërorë, në disa episode duke nisur nga 15 vite më parë kanë shfrytëzuar postet e tyre shtetërore dhe politike për të favorizuar kompani private, si dhe në veprimtari të tjera me lobime në SHBA dhe shitblerje banesash në këmbim të përfitimit të shumave të konsiderueshme parash, të cilat janë përpjekur t'i fshehin, duke mos i deklaruar në ILDKPI dhe KQZ.

monika kryemadhi ilir meta

Sondazh

Poll

MË SHUMË