Sport

Futbollisti i Monacos kërcënohet me armë dhe grabitet. Kriminelët largohen, por makina e vjedhur përplaset dhe braktiset...

Futbollisti ka bërë kallëzim mëngjesin e sotëm në komisariatin e Corbeil, ndërsa autorët e vjedhjes janë ende në kërkim.

18 Nëntor 2024, 15:23 Nga DOSJA

Futbollisti i Monacos kërcënohet me armë dhe grabitet.

FRANCE - Një fatkeqësi për Georges Ilenikhena. Sulmuesi i Monacos ishte viktimë e një grabitjeje të dhunshme, të kryer mbrëmë në Corbeil-Essonnes (Essonne), në lagjen Tarterêts.

Sipas burimeve të policisë lokale, të cituara nga Le Parisien, 18-vjeçari po drejtonte automjetin e tij dhe ishte në shoqërinë e një miku të tij, kur u sulmua në rrugën Gustave-Eiffel.

Të dy sapo kishin dalë nga një festë ditëlindjeje e organizuar në një vend aty pranë dhe panë një grup prej të paktën katër personash, të gjithë të mbuluar me kapuç dhe të armatosur me armë.

Kriminelët e urdhëruan lojtarin të dorëzonte këpucët e tij luksoze, iPhone-in dhe çelësat e makinës Volkswagen Golf-it të tij.

Nën kërcënimin e armëve, sulmuesi monegask u bind, por, ndërsa ata u larguan, kriminelët e përplasën menjëherë makinën e vjedhur dhe u larguan nga vendi i ngjarjes në këmbë.

Vetëm një frikë e madhe për Ilenikhenën, i cili ka lajmëruar menjëherë policinë për të kryer kontrollet e zakonshme. Futbollisti ka bërë kallëzim mëngjesin e sotëm në komisariatin e Corbeil, ndërsa autorët e vjedhjes janë ende në kërkim.

B.T (Dosja.al) 

Sondazh

Poll

Sport 18 Nëntor 2024, 14:46

Osimhen, një objektiv imediat i Man.United

ANGLI - Manchester United i Ruben Amorimit po interesohet për Osimhen, një sulmues i cili është i huazuar te Galatasaray nga Napoli. Sipas ...

MË SHUMË