Aktualitet

Detaje nga operacioni kundër kriptomonedhave/ U lëshuan sigurie për 6 pronarë pikash "Exchange", dyshohet se kryenin pastrim parash

Bëhet me dije se ata bënin shkëmbim me kriptomonedha dhe këtë shërbim e reklamonin edhe në rrjetet sociale. Ndërkohë që kjo veprimtari e tillë nuk është e ligjshme.

18 Nëntor 2024, 12:19 Nga r.ll
Detaje nga operacioni kundër kriptomonedhave/ U lëshuan sigurie
exchange

TIRANË- Janë zbardhur detaje nga operacioni policor i organizuar në Tiranë dhe Shkodër për goditjen e mashtrimit me kriptomonedha. Sipas raportimeve, Prokuroria e Tiranës ka lëshuar 20 masa sigurie, nga të cilat 6 janë për pronarë pikash  "Exchange". Bëhet me dije se ata bënin shkëmbim me kriptomonedha dhe këtë shërbim e reklamonin edhe në rrjetet sociale. Ndërkohë që kjo veprimtari e tillë nuk është e ligjshme.

Sipas informacioneve personat e tjerë të arrestuar janë bashkëpunëtorët e pronarëve, ose individë që reklamonin shkëmbimin me kriptomonedha në rrjetet sociale. Organi i akuzës ka dyshime që kjo gjë është bërë për të pastruar para. Hetimi është kryer nga prokurori Ardian Dyrmishi, pas informacioneve të marra dhe ka qenë ky i fundit që ka çuar agjentët në këto pika për të kryer shkëmbim. Operacioni vijon ende, ndërsa pritet të zbardhen detaje të tjera në vazhdim 

prokuroria e tiranes operacion kunder kriptomonedhave

Sondazh

Poll