Bota

Raportimet mbi vendimet e Biden/ Zelenskyy: Raketat do të flasin vetë! Gjëra të tilla nuk lajmërohen

Udhëheqësi ukrainas tha se plani për të forcuar Ukrainën ishte "plani i fitores" që ai ua prezantoi partnerëve dhe një nga "pikat kyçe" të tij ishin aftësitë me rreze të gjatë për ushtrinë ukrainase. 

17 Nëntor 2024, 22:18 Nga r.ll
Raportimet mbi vendimet e Biden/ Zelenskyy: Raketat do të flasin vetë!
volodymyr zelenskyy

UKRAINË- Presidenti ukrainas Volodymyr Zelenskyy tha këtë mbrëmje se raketat "do të flasin vetë dhe sulme të tilla nuk njoftohen", pas raportimeve se Uashingtoni i kishte dhënë leje Kievit të përdorë raketat me rreze të gjatë veprimi në Rusi.

Udhëheqësi ukrainas tha se plani për të forcuar Ukrainën ishte "plani i fitores" që ai ua prezantoi partnerëve dhe një nga "pikat kyçe" të tij ishin aftësitë me rreze të gjatë për ushtrinë ukrainase. 

"Sot flitet shumë në media se ne marrim leje për veprimet përkatëse. Por goditjet nuk bëhen me fjalë. Gjëra të tilla nuk lajmërohen. Raketat do të flasin vetë. Sigurisht që do të flasin," tha ai.

Duke iu drejtuar sulmit të Rusisë gjatë natës, Zelenskyy tha gjithashtu se sot shënoi një nga sulmet më të mëdha dhe më të rrezikshme ruse në të gjithë luftën. 

“Dhe kjo është përgjigja për të gjithë ata që donin të arrinin diçka me Putinin përmes bisedave, telefonatave, përqafimeve - qetësimit.  Sot, ky 'pëllumb i paqes' na dërgoi një tjetër breshëri raketash kinzhal dhe kalibr. Kjo është diplomacia e tij. Gjuha e tij është tradhti. Koha duhet të investohet "jo për të folur me dikë në Moskë, por për ta detyruar vërtetë Rusinë t'i japë fund luftës", vazhdoi Zelenskyy.

volodymyr zelenskyy joe biden

Sondazh

Poll

MË SHUMË