Bota

U solli fatkeqësi pronarëve të saj/ Shitet pallati "Ca Dario", cilësohet si "rezidenca e mallkuar" e Venecias

Pallati ndodhet në Kanalin e Madh të Galinotati dhe reputacioni i tij negativ ka të bëjë me faktin se një nga ish-pronarët e tij, agjenti i bursës Raoul Gardini, kreu vetëvrasje gjatë hetimit gjyqësor "Duart e Pastra" në vitin 1993.

14 Nëntor 2024, 19:48 Nga N.F
U solli fatkeqësi pronarëve të saj/ Shitet pallati "Ca
Ca dario

VENECIA- Pas një përpjekjeje të gjatë mësohet se është gjetur një blerës për objektin historik “Ca Dario”, i njohur edhe si “pallati i mallkuar” i Venecias. Pallati ndodhet në Kanalin e Madh të Galinotati dhe reputacioni i tij negativ ka të bëjë me faktin se një nga ish-pronarët e tij, agjenti i bursës Raoul Gardini, kreu vetëvrasje gjatë hetimit gjyqësor "Duart e Pastra" në vitin 1993.

Ndërtesa u ndërtua në shekullin e pesëmbëdhjetë për një noter të pasur që punonte në emër të dogëve. Sipas traditës popullore, ndër të tjera, një tregtar armen që e bleu atë rreth dyqind vjet më parë falimentoi, ndërsa manjati amerikan Charles Briggs, pas përfundimit të Luftës së Parë Botërore, u detyrua ta shiste rezidencën dhe të largohej nga Venediku, për shkak të se nuk lejohej të jetonte lirisht jetën e tij personale.

Po në vitin 1964, tenori i famshëm italian Mario Del Monaco, teksa ishte në negociata për blerjen e Ca' Dario, u plagos rëndë në një aksident automobilistik dhe shpejt hoqi dorë nga çdo veprimtari artistike. Më në fund, në vitin 1970, konti Filippo Giordano delle Lance vdiq në dhomën e ndenjes së pallatit, kur i dashuri i tij e goditi me dhunë në kokë me një vazo argjendi të çmuar.

Nuk dihet shuma për të cilën është shitur prona, as kush është pronari i ri i saj. Fillimisht, tetëmbëdhjetë milionë euro ishin kërkuar nga një agjenci imobiliare në Venecia. Rezidenca "Ca Dario" ka një sipërfaqe totale prej një mijë metrash katrorë, me tetë dhoma gjumi dhe po aq tualete, një tarracë në katin e fundit dhe një oborr të brendshëm prej njëqind e shtatëdhjetë metrash katrorë.

ca dario venencia

Sondazh

Poll

MË SHUMË