Bota

Trump zgjedh ish-guvernatorin e Arkansas, Mike Huckabee si ambasadorin e ardhshëm të SHBA në Izrael

Në një deklaratë, presidenti i zgjedhur tha se Huckabee e do Izraelin dhe popullin e tij, dhe populli i Izraelit e do atë. Trump shtoi se Mike do të punojë pa u lodhur për të arritur paqen në Lindjen e Mesme.

12 Nëntor 2024, 20:40 Nga N.F
Trump zgjedh ish-guvernatorin e Arkansas, Mike Huckabee si ambasadorin e
Trump dhe Mike Huckabee

SHBA- Presidenti i sapozgjedhur amerikan, Donald Trump njoftoi të martën se ka zgjedhur ish-guvernatorin e Arkansas, Mike Huckabee për të shërbyer si ambasador i Shteteve të Bashkuara në Izrael. Në një deklaratë, presidenti i zgjedhur tha se Huckabee e do Izraelin dhe popullin e tij, dhe populli i Izraelit e do atë. Trump shtoi se Mike do të punojë pa u lodhur për të arritur paqen në Lindjen e Mesme.


Huckabee, i cili shërbeu si guvernator i Arkansas nga 1996 deri në 2007, ishte dy herë kandidat presidencial republikan. Ai është babai i Sarah Huckabee-Sanders, guvernatores aktuale të shtetit dhe ish-sekretares së shtypit të Shtëpisë së Bardhë të Trump. Huckabee mbështet haptazi vendosjen në Izrael. Në vitin 2018, ai madje deklaroi se ëndërronte të ndërtonte një shtëpi verore në Bregun Perëndimor të pushtuar nga Izraeli.

Me njoftimet e deritanishme, ekipi i ri i Trump përbëhet nga:

• Trump ka zgjedhur ish-deputetin republikan të Nju Jorkut, Lee Zeldin, për të shërbyer si administrator i tij në Agjencinë për Mbrojtjen e Mjedisit.

• Trump pritet të njoftojë se Stephen Miller, këshilltari i tij i lartë për emigracionin, do të shërbejë si zëvendës shef i stafit të Shtëpisë së Bardhë për politikën.

• Bisedimet për rolin e ardhshëm të Guvernatorit të Dakotës së Veriut, Doug Burgum, i kthyer në aleat të Trump, kanë evoluar dhe ai mund të hyjë në rolin e "carit të energjisë".

• Presidenti i zgjedhur ka zgjedhur republikanen Elise Stefanik për të qenë ambasadorja e SHBA në Kombet e Bashkuara.


• Ai ka njoftuar gjithashtu se Tom Ohman, i cili shërbeu si zëvendësdrejtor i Emigracionit dhe   Zbatimit të Doganave në administratën e tij të fundit, do të jetë në krye të kufirit amerikan.

• Ish-kryetari i KSHZ-së, Jay Clayton, është mes kandidatëve për të marrë postin e Prokurorit të Përgjithshëm. Senatori i Misurit Eric Schmidt, i cili ishte në krye të listës së ngushtë të Trump për këtë rol, u tërhoq nga lista. Trump e sheh prokurorin e tij të përgjithshëm si rolin më të rëndësishëm në administratën e tij.

• Senatori i GOP Bill Hagerty i Tenesit, i cili ka bërë thirrje për një shkurtim të menjëhershëm të ndihmës për Ukrainën, po konsiderohet për disa pozicione.

• Ka disa emra që konkurrojnë për rolin e Thesarit, duke përfshirë Scott Bessent, i cili përgatiti Trump për fjalimet e tij në klubin ekonomik.

• Emri i parë që Trump shpalli javën e kaluar ishte ai i menaxherit të fushatës së tij, Susie Wiles e cila tani do të jetë shefe e stafit të Shtëpisë së Bardhë, gruaja e parë në atë rol.


• Manjati Elon Musk nuk pritet ende zyrtarisht të marrë një pozicion në administratën Trump, por ai ka qenë me ndikim, sipas burimeve të shumta.

• Trump tha të shtunën se ish-rivalja e tij presidenciale në GOP, Nikki Haley dhe ish-sekretari i tij i Shtetit, Mike Pompeo, nuk do të kenë role në administratën e tij të ardhshme.

 

 

mike huckabee trump shba

Sondazh

Poll

MË SHUMË