Politike

FOTO/ Në pritje për të dëshmuar në Komisionin hetimor të Shëndetësisë, ish-ministri Beqaj "ecjake" në koridoret e Kuvendit

Ai është nën hetim nga SPAK për dy dosje, të sterilizimit dhe një për abuzim me fondet e SASPAK. 

12 Nëntor 2024, 11:58 Nga M.B
FOTO/ Në pritje për të dëshmuar në Komisionin hetimor
Foto nga Kuvendi

TIRANA- Fotoja e mësipërme tregon ish-ministrin e Shëndetësisë Ilir Beqaj i cili endet në koridoret e Kuvendit në pritje për tu futur në sallën ku zhvillohet mbledhja e Komisionit hetimor të Shëndetësisë për të dëshmuar. 

Beqaj do të dëshmojë lidhur me 2 koncesionet, atë të sterilizimit dhe të check up-it. Ai është nën hetim nga SPAK për dy dosje, të sterilizimit dhe një për abuzim me fondet e SASPAK. Ditën e djeshme dëshmoi për 5 orë në komision biznesmeni Ilir Rrapaj i cili mbërriti me pranga në Kuvend. Rrapaj mohoi lidhjet miqësore me ish-drejtuesit Ilir Beqaj dhe ish-zv. ministrin Klodjan Rjepaj. 

Koncensioni 10 vjeçar me vlerë afro 100 milionë dollarë iu dha kompanisë 'SaniService', një bashkim kompanish ku Ilir Rrapaj me kompaninë e tij 'Investital LLC' është zotëruesi kryesor i aksioneve, krahas kompanive italiane “Servizi Italia”, “Tecnosanimed” dhe “U.Jet S.r.l” të Staccinit. Biznesmeni Ilir Rrapaj ndodhet në arrest me burg prej 16 gushtit 2024, ndërsa i arrestuar është edhe ish-zv.ministri i Shëndetësisë Klodian Rjepaj.

ilir beqaj

Sondazh

Poll

MË SHUMË