Sport

Rrezikshmëri e lartë, UEFA vendos që ndeshja Besiktas-Maccabi të luhet në Hungari!

Ky vendim vjen pas kritikave që presidenti turk Rexhep Tajip Erdogan i ka drejtuar Izraelit për luftën në Gaza. Në përgjigje, qeveria izraelite në tetor 2023, kërkoi tërheqjen e diplomatëve të saj të vendosur në Turqi.

11 Nëntor 2024, 23:46 Nga DOSJA
Rrezikshmëri e lartë, UEFA vendos që ndeshja Besiktas-Maccabi

ZVICER - UEFA njoftoi këtë të hënë se “ndeshja mes Besiktasit dhe Maccabi Tel Avivi, për raundin e 5-të të Ligës së Evropës, do të zhvillohet në “Nagyerdei Stadion”, në Debrecen, Hungari, për shkak të vendimit të autoriteteve turke për të mos e zhvilluar atë në Turqi. Ndeshja do të luhet me dyer të mbyllura, pas një vendimi të autoriteteve hungareze”, shtoi UEFA.

Ky vendim vjen pas polemikave të shumta që shkaktoi ndeshja mes Maccabit izraelit në Europa League, në shtëpinë e Ajaxit, e cila u shënua nga përplasjet e dhunshme të ndodhura në rrugët e Amsterdamit.

Ministri i Jashtëm i Izraelit u bëri thirrje autoriteteve të Holandës të nxirrnin përgjegjësitë dhe të ndëshkonin shkaktarët e dhunës. Beshiktashi kishte njoftuar më herët se ndeshja e cilësuar me rrezikshmëri të lartë, nuk do të zhvillohej në stadiumin e tyre, siç ishte planifikuar.

Qeveria turke i kishte kërkuar UEFA-s që dueli me skuadrën izraelite të zhvillohej jashtë Turqisë, në një vend neutral. Ky vendim vjen pas kritikave që presidenti turk Rexhep Tajip Erdogan i ka drejtuar Izraelit për luftën në Gaza. Në përgjigje, qeveria izraelite në tetor 2023, kërkoi tërheqjen e diplomatëve të saj të vendosur në Turqi.

B.T (Dosja.al)

Sondazh

Poll

MË SHUMË