Aktualitet

Gjykata e Romës pezulloi qëndrimin e tyre në Shqipëri, largohen nga kampi i Gjadrit 7 emigrantët e ardhur nga Italia

Egjiptianët dhe Bangladeshasit nuk do të mund të qëndrojnë në qendrën e Gjadërit dhe mbrëmjen e sotme ata janë transportuar drejt Shëngjinit. Më pas bëhet me dije se ata do të nisen me anije italiane drejt Barit.

11 Nëntor 2024, 19:42 Nga N.F

Gjykata e Romës pezulloi qëndrimin e tyre në Shqipëri,

Emigrantët

SHËNGJIN- Gjykata e Romës ka pezulluar qëndrimin e shtatë emigrantëve në Shqipëri duke e çuar çështjen në Gjykatën Evropiane të Drejtësisë. Egjiptianët dhe Bangladeshasit nuk do të mund të qëndrojnë në qendrën e Gjadërit dhe mbrëmjen e sotme ata janë transportuar drejt Shëngjinit. Më pas bëhet me dije se ata do të nisen me anije italiane drejt Barit. Emigrantët janë shoqëruar nga kampi i Gjadrit drejt Shëngjinit me automjete të Policisë italiane.

Emigrantët mbërritën me anijen "Libra" të marinës italiane mëngjesin e 8 nëntorit. Vendimi i qeverisë Meloni që ndryshoi listën për “vendet e sigurta” disa ditë më parë nuk konsiderohet ende i ligjshëm, sepse sipas gjykatësve të Romës, duhet përshtatur me listën e Bashkimit Europian. Për këtë do të pyetet Gjykata e të Drejtave të Njeriut në Strasburg, ndaj seksioni i emigracionit e ka pezulluar vendimin e mëparshëm të qeverisë së Melonit, që do të thotë se refugjatët do të bëjnë një xhiro tjetër, nga Shqipëria në Itali.

Pak ditë më parë në Shëngjin zbritën 8 emigrantë, njëri prej të cilëve për shkaqe shëndetësore u rikthye direkt në Itali, ndërsa 7 të tjerë u akomoduan në Gjadër, bazuar në marrëveshjen mes Shqipërisë dhe Italisë.

 

 

 

 

marreveshja e emigranteve gjykata e romes kampi i gjadrit

Sondazh

Poll

MË SHUMË