Aktualitet

U nis nga Tirana drejt Mançesterit, avioni bën uljen emergjente në Londër, humb jetën pasagjeri

Mësohet se një burrë ka humbur jetën gjatë fluturimit. Fluturimi i "Ryanair" nga Tirana për në Aeroportin e Mançesterit u detyrua të devijonte papritur drejt Londra Stansted për shkak të urgjencës mjekësore në bord.

11 Nëntor 2024, 19:30 Nga N.F
U nis nga Tirana drejt Mançesterit, avioni bën uljen emergjente
Foto ilustruese

MANÇESTER-Një fluturim i nisur nga Tirana drejt Mançesterit të dielën mbrëma ka qenë tragjik për një nga pasagjerët. Mësohet se një burrë ka humbur jetën gjatë fluturimit. Fluturimi i "Ryanair" nga Tirana për në Aeroportin e Mançesterit u detyrua të devijonte papritur drejt Londra Stansted për shkak të urgjencës mjekësore në bord.

Burri, mosha e të cilit nuk është konfirmuar, sikurse nuk është bërë i ditur edhe identiteti i tij, u shpall i vdekur në vendngjarje. London Stansted konfirmoi se fluturimi u devijua pak para orës 20:00, për shkak të urgjencës mjekësore në bord.

Itinerari i fluturimit tregon se si avioni u nis nga Shqipëria të dielën, përpara se të fluturonte mbi Itali, Zvicër e Francë, ndërsa u detyrua të ulej në Stanstead. Një zëdhënës i Shërbimit të Ambulancës Lindore të Anglisë tha se pavarësisht përpjekjeve më të mira të të gjithë të përfshirëve, burri kishte vdekur në avion.

fluturimi drejt mancester

Sondazh

Poll

MË SHUMË