Aktualitet

I dënuar me mbi 17 vjet burg për grabitje dhe grup kriminal, Neim Avdulaj futet në 41 biss për 1 vit

Vendimi bëhet me dije se “është marrë në kuadër të masave për sigurimin dhe mbajtjen nën kontroll të të dënuarve me rrezikshmëri të lartë”. Kjo, edhe e bazuar në dënimin ndaj tij, prej 17 vite e 4 muaj burgim

6 Nëntor 2024, 17:46 Nga ZH.LL
I dënuar me mbi 17 vjet burg për grabitje dhe grup kriminal, Neim
Burgu i Peqinit

ELBASAN- I dënuari Neim Avdulaj është futur në regjimin e veçuar "41 Bis" për një 1 vit, në Burgun e Peqinit. Vendimi bëhet me dije se “është marrë në kuadër të masave për sigurimin dhe mbajtjen nën kontroll të të dënuarve me rrezikshmëri të lartë”. Kjo, edhe e bazuar në dënimin ndaj tij, prej 17 vite e 4 muaj burgim.

Avdulaj është dënuar nga Gjykata e Shkallës së Parë për Krimet e Rënda Tiranë, me vendim të datës 25 mars 2019, që më pas u la në fuqi edhe nga Gjykata e Posaçme e Apelit për Korrupsionin dhe Krimin e Organizuar, me vendimin nr. 20, më 12 korrik 2021.

Ai është shpallur fajtor për veprat penale të mëposhtme:

-“Vjedhja e bankave dhe arkave të kursimit” kryer më shumë se një herë, në formën e grupit të strukturuar kriminal;

-“Mbajtje pa leje dhe prodhim i armëve, armëve shpërthyese dhe i municionit,” kryer në mënyrë të përsëritur, në formën e grupit të strukturuar kriminal;

-“Pjesëmarrje në grup të strukturuar kriminal.”

 

Sondazh

Poll

MË SHUMË