Bota

Vjosa Osmani udhëton drejt Hungarisë, ja kush është arsyeja e vizitës

Takimi i radhës i Komunitetit Politik Evropian do të mbledhë liderë nga 47 shtete nga i gjithë kontinenti, në Budapest.

6 Nëntor 2024, 17:20 Nga DOSJA
Vjosa Osmani udhëton drejt Hungarisë, ja kush është arsyeja
Vjosa Osman

KOSOVË- Presidentja e Kosovës Vjosa Osmani, ka udhëtuar për në Hungari ku do ta përfaqësojë Republikën e Kosovës në samitin e pestë të Komunitetit Politik Evropian (EPC). Takimi i radhës i Komunitetit Politik Evropian do të mbledhë liderë nga 47 shtete nga i gjithë kontinenti, në Budapest.

Gjithashtu në këtë samit, liderët do të diskutojnë mbi sfidat e sigurisë në Evropë, të shkaktuara nga lufta në Ukrainë, përshkallëzimin e krizës në Lindjen e Mesme, sfidat e migracionit dhe ato ekonomike.

Zyra e Presidentes ka njoftuar se Osmani do të marrë pjesë në dy sesionet plenare të EPC-së, si dhe do të mbajë dy fjalime, njërin në seancë plenare dhe tjetrin në tryezën punuese për sigurinë ekonomike. Po ashtu ka njoftuar se Osmani do të zhvillojë takime bilaterale me liderë të tjerë evropianë.

“Gjatë qëndrimit në Budapest, Presidentja Osmani pritet të zhvillojë një takim edhe me mërgatën shqiptare në Hungari”, thuhet në njoftim. 

vjosa osman

Sondazh

Poll

MË SHUMË