Bota

Elon Musk: Të famshmëve po u bëhet presion për të mbështetur publikisht Kamala Harris

Musk në podkastin e Joe Roganit tha se njerëzit e famshëm në industrinë e argëtimit në SHBA, duke përfshirë disa që më parë ishin apolitikë, kanë mbështetur kandidaten demokrate për president.

5 Nëntor 2024, 17:22 Nga E. D
Elon Musk: Të famshmëve po u bëhet presion për të
kamala harris

SHBA- Elon Musk ka deklaruar se njerëzit e famshëm amerikanë po mbështesin publikisht nënpresidenten Kamala Harris në garën për zgjedhjet presidenciale në SHBA. Musk në podkastin e Joe Roganit tha se njerëzit e famshëm në industrinë e argëtimit në SHBA, duke përfshirë disa që më parë ishin apolitikë, kanë mbështetur kandidaten demokrate për president.

Duke pritur Musk-un në emisionin e tij, Rogani e quajti tubimin pas Harrisit të çuditshëm, duke sugjeruar që të famshmit mendojnë se do tu sjellë atyre më shumë filma apo diçka tjetër. Amerikanët sot zgjedhin mes dy vizioneve qartësisht të ndryshme

Musk pohoi se e kundërta është e vërtetë dhe se këta të famshëm, marrin një telefonatë nga dikush i fuqishëm në Hollywood. Ai person thotë: "Ti e di se do të ishte mirë nëse do ta mbështesje Kamalën."

Musk gjithashtu tha se ekziston një kërcënim i nënkuptuar se dështimi për ta bërë këtë do të rezultojë në mosmarrjen e mundësive të mëtejshme në industri. Sipërmarrësi është një mbështetës i ish-presidentit Donald Trump, kandidati republikan, dhe synon të marrë një punë në nivel kabineti në administratën e tij të mundshme. Pas intervistës së tij me Musk-un, Rogan e mbështeti publikisht Trump-in, duke thënë se argumentet e miliarderit të teknologjisë e kishin bindur atë.

Këngëtarët super-yje Taylor Swift, Lady Gaga, Rihanna dhe Jennifer Lopez, si dhe aktori Harrison Ford, janë disa nga emrat e mëdhenj që kanë mbështetur Harris-in.

zgjedhjet ne shba kamala harris elon musk

Sondazh

Poll

MË SHUMË