Politike

U paraqit në SPAK në zbatim të masës së sigurisë, Kryemadhi: Do të njiheni me të vërtetat e Monika këmbësores dhe satelitëve të gjithësisë

Ajo tha se ka konstatuar një sërë shkeljesh ligjore të akuzës ndaj saj, ndërsa shtoi se kundërshtimet do të jenë të faktuara dhe me prova.

4 Nëntor 2024, 12:43 Nga r.ll
U paraqit në SPAK në zbatim të masës së sigurisë,
monika kryemadhi

TIRANË- Deputetja e Partisë së Lirisë, Monika Kryemadhi u paraqit sot në Prokurorinë e Posaçme në zbatim të masës së sigurisë të caktuar ndaj saj nga GJKKO. 

Kryemadhi dha një deklaratë të shkurtër për mediat pas daljes nga SPAK, ku tha se ka vendosur të përballet me padrejtësitë që bëhen. Ajo tha se ka konstatuar një sërë shkeljesh ligjore të akuzës ndaj saj, ndërsa shtoi se kundërshtimet do të jenë të faktuara dhe me prova. Duke ironizuar, Kryemadhi u shpreh se "do të njiheni me të vërtetat e Monika këmbësores dhe satelitëve të gjithësisë."

“Unë jam një individ dhe politikane që vendos të përballem dhe me padrejtësitë që behën. Po bej mbrojtjen time ligjore për pretendimet e SPAK ndaj meje. Kam evidentuar një sërë shkeljesh ligjore nga organi akuzës, që do kundërshtohen dhe do u vërtetojnë shqiptarëve të kundërtën e asaj që thuhet. Do njiheni me të vërtetat e Monika këmbësores dhe të sateliteve të Shqipërisë. Duroni se do të informoheni për të gjitha. Do tregohet se sa i vërtetë është i gjithë procesi. Me Ilir Metën s’ka asnjë komunikim.”, tha ajo.

 

monika kryemadhi

Sondazh

Poll

MË SHUMË