Aktualitet

Mishi i pulës me salmonelë? KFC: I gjithë produkti nga e njëjta ngarkesë u tërhoq nga tregu menjëherë pas njoftimit, analizat rezultuan negative për çdo bakter të mundshëm

Zigmond thotë se nuk ka pasur asnjë klient të rrjetit KFC, që të ketë përjetuar probleme shëndetësore për shkak të ushqimit.

4 Nëntor 2024, 11:12 Nga r.ll
Mishi i pulës me salmonelë? KFC: I gjithë produkti nga e
kfc

TIRANË- KFC ka reaguar pas lajmeve që qarkullojnë se në rrjetin e dyqaneve të tyre në Shqipëri është shitur mish pule i infektuar me salmonelë.

Tibor Zigmond, drejtues i KFC Albania, ka deklaruar se kur salmonela u identifikua në një kampion të mishit të pulës në muajin korrik të këtij viti, i gjithë produkti nga e njëjta ngarkesë u tërhoq nga tregu menjëherë pas njoftimit, si një masë paraprake.

Zigmond thotë se nuk ka pasur asnjë klient të rrjetit KFC, që të ketë përjetuar probleme shëndetësore për shkak të ushqimit. Ndërkohë më tej thuhet se pasi autoritetet shqiptare kryen testime shtesë në shtator, analizat rezultuan negative për çdo bakter të mundshëm.

Njoftim për shtyp

GFFA është e përkushtuar ndaj sigurisë dhe cilësisë së ushqimit për klientët e KFC në Shqipëri

Si një franchisee krenar i restoranteve KFC në të gjithë Shqipërinë që nga viti 2016, GFFA është e përkushtuar për të garantuar standardet më të larta të sigurisë dhe cilësisë së ushqimit për klientët tanë të çmuar. Me 11 restorante në mbarë vendin dhe mbi 300 pjestarë vendas të ekipit jemi jashtëzakonisht krenarë të shërbejmë ushqim të sigurtë, cilësor dhe të kultivojmë besimin e komunitetit tonë.

“Kur salmonela u identifikua në një kampion të mishit të pulës në muajin korrik të këtij viti, i gjithë produkti nga e njëjta ngarkesë u tërhoq nga tregu menjëherë pas njoftimit, si një masë paraprake. Konfirmojmë se nuk ka pasur asnjë raportim që ndonjë klient i rrjetit KFC të ketë përjetuar probleme shëndetësore për shkak të ushqimit dhe se autoritetet shqiptare kryen testime shtesë në shtator, siç e kërkon rregullorja e tyre. Analizat rezultuan negative për çdo bakter të mundshëm”, deklaron Tibor Zigmond, Drejtues i KFC Albania.

Në GFFA, ne i japim përparësi sigurisë së klientit duke lidhur partneritete rigoroze me furnitorë të akredituar, të cilët iu përmbahen protokolleve të rrepta të cilësisë dhe sigurisë së ushqimit. Këto protokolle përfshijnë auditime të hollësishme e kontrolle të rregullta të sigurisë ushqimore, duke garantuar cilësinë e çdo produkti në zinxhirin tonë të furnizimit. Në bashkëpunim me furnitorët tanë, ne ndjekim rreptësisht të gjitha udhëzimet ligjore, për të garantuar një mjedis të sigurt për klientët tanë.

GFFA mbetet e përkushtuar ndaj ruajtjes e madje tejkalimit të standardeve rigoroze që priten nga klientët tanë.

Falenderojmë klientët besnikë për besimin dhe mbështetjen. Si gjithmonë, GFFA mbetet e përkushtuar për të siguruar që çdo vakt që shërbejmë të përmbushë pritshmëritë e larta të familjes KFC.

kfc salmonele

Sondazh

Poll

MË SHUMË