Aktualitet

Vrasja e biznesmenit Ardian Nikulaj, portugezi Ruben Saraiva del para Gjykatës së Lezhës nën masa të rrepta sigurie

Mësohet portugezi ka mbërritur në Gjykatën e Lezhës, ku kërkon zëvëndësim të masës së sigurisë.

1 Nëntor 2024, 09:48 Nga M.B
Vrasja e biznesmenit Ardian Nikulaj, portugezi Ruben Saraiva del para
Ruben Saraiva dhe Ardian Nikulaj

LEZHA- Sot zhvillohet seanca e radhës gjyqësore ndaj portugezit Ruben Saraiva të akuzuar si vrasës me porosi i biznesmenit Ardian Nikulaj në Lezhë. Mësohet portugezi ka mbërritur në Gjykatën e Lezhës, ku kërkon zëvëndësim të masës së sigurisë.

Saraiva, i ekstraduar nga Maroku rreth një vit më parë, është paraqitur sot me masa të larta sigurie në Gjykatën e Lezhës dhe me policë të armatosur, për të shmangur ndonjë incident.

SI NDODHI VRASJA?

Ardian Nikulaj u vra më 19 prill 2023 brenda lokalit të tij në Shëngjin. Porositës dhe organizator është Edmond Haxhia i cili ka rënë në pranga, së bashku me tre britanikë Thomas Mithan, Steve Hunt dhe Harriet Bridgeman. Të katër këta janë prangosur, pasi autoritetet britanike kanë pranuar si të ligjshme kërkesën e bërë nga Policia e Shtetit shqiptar.

Ruben Saravia iku nga Shqipëria përmes Doganës së Kapshticës, bashkë me britanikun Harry Simson, në drejtim të Greqisë. Nuk dihet se çfarë rruge ka ndjekur portugezi për të mbërritur deri në Marok. Britanikët dyshohet se kanë qenë informatorë, ata kanë qëndruar pikërisht në resortin në pronësi të biznesmenit Ardian Nikulaj dhe sipas hetuesve, ata kanë vëzhguar për ditë me radhë lëvizjet e tij dhe të stafit, të cilat më pas ia raportonin portugezit Ruben Saraiva.

ruben saraiva

Sondazh

Poll

MË SHUMË