Politike

Ish-ministri i Brendshëm Saimir Tahiri paraqitet në SPAK, do të merret në pyetje për dosjen për "21 janarit"

Mësohet se Tahiri është thirrur nga prokurori i posaçëm i SPAK, Alfred Shehu.

1 Nëntor 2024, 09:18 Nga M.B
Ish-ministri i Brendshëm Saimir Tahiri paraqitet në SPAK, do të
Saimir Tahiri

TIRANA- Ish-ministri i Brendshëm Saimir Tahiri do të merret në pyetje ditën e sotme nga prokurorët e Prokurorisë së Posaçme në orën 09:30 në lidhje me dosjen për 21 janarin. Mësohet se Tahiri është thirrur nga prokurori i posaçëm i SPAK, Alfred Shehu.

Saimir Tahiri, me një karrierë të gjatë në Partinë Socialiste, i emëruar si ministrër i Brendshëm në qeverinë ‘Rama 1′, u dënua me 3 vjet e 4 muaj për “shpërdorim detyre” pas një procesi të gjatë, ku u akuzua nga prokuroria për trafik të narkotikëve dhe grup i strukturuar kriminal. Menjëherë pas shpalljes së vendimit të formës së prerë nga Gjykata e Posaçme e Apelit në shkurt të vitit 2022, ai u shoqërua për në ambjentet e paraburgimit të burgut ‘313′ dhe në vijim në burgun e Fierit.

Pasi kreu rreth 16 muaj vuajtje dënimi, Tahiri u lirua nga qelia me vendim të gjyqtares së Elbasanit Matlida Fetahu, e cila pranoi kërkesën e tij për zëvendësimin e dënimit me burg, në “qëndrim në shtëpi”. Kërkesa për lirimin e Tahirit u bazua në ekspertiza mjeko-ligjore në të cilat parashtrohej gjendja shëndetësore e tij dhe e bashkëshortes.

saimir tahiri

Sondazh

Poll

MË SHUMË