Politike

“Jam i burgosur politik”/ Salianji letër Ambasadorëve dhe Europarlamentarëve: Ja pse dhe si më dënuan! Mos u bëni dëshmitarë të vendosjes së një regjimi të ri

Ky delegacion europarlamentarësh mbërriti sot në Tiranë dhe pjesë e grupit që do të takohet me përfaqësinë Europiane është edhe deputeti socialistë, Fatmir Xhafaj.

29 Tetor 2024, 11:31 Nga M.B

 

“Jam i burgosur politik”/ Salianji letër Ambasadorëve dhe
Ervin Salianji

FIER- Ish-deputeti opozitar i burgosur, Ervin Salianji, u ka dërguar një letër nga burgu i Fierit ambasadave perëndimore në Tiranë dhe eurodeputetëve në Parlamentin Europian, anëtarë të MSA-së. Ky delegacion europarlamentarësh mbërriti sot në Tiranë dhe pjesë e grupit që do të takohet me përfaqësinë Europiane është edhe deputeti socialistë, Fatmir Xhafaj. Gjithashtu sot skadon dhe afati i zbardhjes së vendimit të Gjykatës së Apelit.

Në letër Salianji thekson detajet e procesit të montuar politikisht, sipas tij, dhe u sqaron variantin e tij përfaqësuesve të shteteve perëndimore, aleatë të Shqipërisë, se kryeministri, njerëzit pranë tij dhe segmente të tij u bënë bashkë kundër denoncimit të tij, për një të dënuar për trafik droge në Itali, dhe burgosën dhe ndëshkuan denoncuesin.

Gjithashtu Salianji këtu thekson ‘si rast të pahasur më parë’ se trafiku ndërkombëtar i drogës bëri bashkë kaq shumë segmente të shtetit, sipas tij. Ai rreshton të gjithë indicjet e përfshirjes së kryeministrit Edi Rama dhe të tjerëve procesin kundër tij. 

Në mbyllje të letrës, Salianji e thekson si politik, procesin dhe dënimin, edhe për faktin se gjithçka ndodhi në prag të zgjedhjeve parlamentare, kur ai ishte caktuar si i deleguar politik i PD për qarkun e rëndësishëm të Elbasanit, dhe kur vinte pas dy rezultateve pozitive , një në qarkun e Korçës dhe nga një fitore në bashkinë e Kavajës. Ai u kërkon ambasadorëve dhe eurodeputetëve që të mos bëhen dëshmitarë të vendosjes së një regjimi të ri në Europë. Nga ana tjetër, PD informon se bashkë me letrën përfaqësuesve të huaj u është dërguar edhe kronologjia e plotë, sipas tyre, e dosjes 'Xhafaj’.

ervin salianji

Sondazh

Poll

MË SHUMË