Aktualitet

Parandalohet krimi në familje/ Burri në Kukës kërcënonte gruan dhe fëmijët me armë zjarri

Nga aksioni i policisë është prangosur 60-vjeçari ndërkohë që janë sekuestruar dhe 3 armë zjarri e municion luftarak.     

28 Tetor 2024, 11:05 Nga I.A
Parandalohet krimi në familje/ Burri në Kukës
Foto Ilustruese

KUKËS- Një krim në familje është parandaluar ditën e sotme në Kukës. Mësohet se në pranga ka rënë një 60-vjeçar që ushtronte dhunë ndaj gruas dhe fëmijëve të tij në fshatin Arrën. Nga aksioni i policisë është prangosur 60-vjeçari ndërkohë që janë sekuestruar dhe 3 armë zjarri e municion luftarak.     

Njoftimi i Policisë:

Ndërhyrja në kohë e Policisë parandalon një ngjarje të mundshme kriminale në familje, në fshatin Arrën. Arrestohet në flagrancë 60-vjeçari që ushtronte dhunë ndaj bashkëshortes të tij, si dhe kanoste atë dhe fëmijët e tyre, me armë zjarri. Sekuestrohen 3 armë zjarri dhe municion luftarak, që i posedonte 60-vjeçari, në banesë.

Shërbimet e Komisariatit të Policisë Kukës, pas njoftimit se një shtetas ushtronte dhunë ndaj familjarëve të tij dhe i kanoste ata me armë zjarri, kanë organizuar menjëherë punën për parandalimin e një ngjarjeje të mundshme kriminale. Si rezultat i ndërhyrjes së shpejtë dhe profesionale të shërbimeve të Policisë, në kuadër të operacionit policor të koduar “Reaction”, u bë arrestimi në flagrancë i shtetasit R. S., 60 vjeç, banues në fshatin Arrën.

Gjatë kontrollit në banesën e shtetasit R. S. dhe në vendin afër banesës, ku ai u kap në flagrancë, shërbimet e Policisë gjetën dhe sekuestruan 2 armë zjarri automatik, 1 armë zjarri pistoletë dhe një sasi municioni luftarak, të cilat u sekuestruan në cilësinë e provës materiale. Materialet procedurale i kaluan Prokurorisë, për veprime të mëtejshme.

policia e kuksit

Sondazh

Poll

MË SHUMË