Aktualitet

Shiste kokainë të ndarë në doza në zonën e Freskut dhe Xhamllikut, bie në pranga 28-vjeçari në Tiranë (EMRI)

Gjatë kontrollit të mjetit dhe të banesës së 28-vjeçarit, policia sekuestroi në cilësinë e provës materiale, sasi lënde të dyshuar narkotike kokainë me peshë 250 gram, një pjesë e ndarë në doza, gati për shitje.

25 Tetor 2024, 09:50 Nga r.ll
Shiste kokainë të ndarë në doza në zonën e Freskut
foto ilustruese

TIRANË- Një 28-vjeçar është arrestuar në Tiranë pasi u kap 250 gram kokainë të ndarë në doza gati për shitje.  Në pranga është vënë Klejvis Taku, i cili akuzohet për veprën penale “Prodhimi dhe shitja e narkotikëve”.

Gjatë kontrollit të mjetit dhe të banesës së 28-vjeçarit, policia sekuestroi në cilësinë e provës materiale, sasi lënde të dyshuar narkotike kokainë me peshë 250 gram, një pjesë e ndarë në doza, gati për shitje.

Taku pasi siguronte lëndën narkotike në sasi, e ndante atë në doza, të cilat i shiste më pas në zonën e Freskut dhe Xhamllikut.

NJOFTIMI I POLICISË: 

Finalizohet operacioni policor i koduar “Green” për goditjen e veprimtarive kriminale në fushën e shpërndarjes së narkotikëve.

Sekuestrohet sasi lënde e dyshuar narkotike kokainë, me peshë 250 gram, një pjesë e ndarë në doza, gati për shitje.

Arrestohet në flagrancë poseduesi.

Shërbimet e Sektorit për Hetimin e Narkotikëve në vijim të punës për goditjen e veprimtarive kriminale në fushën e narkotikëve, bazuar në informacionet e siguruara në rrugë operative për një shtetas që shpërndante lëndë narkotike në zonën e Freskut dhe Xhamllikut, kanë organizuar dhe finalizuar operacionin policor të koduar “Green”.

Gjatë operacionit u arrestua në flagrancë shtetasi K. T., 28 vjeç, banues në Tiranë, për veprën penale “Prodhimi dhe shitja e narkotikëve”.

Shërbimet e Policisë kanë lokalizuar 28-vjeçarin, duke qarkulluar me automjet, në rrugën “Xhanfize Keko”.

Gjatë kontrollit të mjetit dhe të banesës së 28-vjeçarit, shërbimet e Policisë i gjetën dhe sekuestruan, në cilësinë e provës materiale, sasi lënde të dyshuar narkotike kokainë me peshë 250 gram, një pjesë e ndarë në doza, gati për shitje.

Nga verifikimet e kryera ka rezultuar se i arrestuari pasi siguronte lëndën narkotike në sasi, e ndante atë në doza, të cilat i shiste më pas në zonën e Freskut dhe Xhamllikut .

Materialet i kaluan Prokurorisë.

klejvis taku

Sondazh

Poll

MË SHUMË