Bota

Vdekshmëria e fëmijëve në SHBA u rrit shumë pas shfuqizimit të së drejtës për të abortuar

Studimi i ri, nga Maria Gallo dhe Parvati Singh i Universitetit Shtetëror të Ohajos dhe i publikuar në internet në revistën JAMA Pediatrics, analizon të dhënat e bazës së të dhënave mbi efektet e kufizimeve të abortit. Gjetjet janë në përputhje me dy studime të tjera të publikuara në fillim të këtij viti, ekskluzive për shtetin e Teksasit, ku aborti tani është i jashtëligjshëm, edhe në rastet kur shtatzënia është rezultat i incestit ose përdhunimit.

22 Tetor 2024, 08:00 Nga N.F
Vdekshmëria e fëmijëve në SHBA u rrit shumë pas
Foto ilustruese

SHBA- Një studim i ri i publikuar të hënën ka raportuar se vdekshmëria foshnjore u rrit ndjeshëm në SHBA në muajt pasi Gjykata e Lartë hodhi poshtë garancinë federale të të drejtave të abortit. Sipas studimit shkaku kryesor i këtyre vdekjeve janë defektet gjatë lindjes. 

Duke i dhënë fund kësaj të drejte, të njohur për gjysmë shekulli nga gratë, në qershor 2022, Gjykata e Lartë, me një shumicë të qartë konservatore pas emërimeve të tre gjyqtarëve nga ish-presidenti Donald Trump (2017-2021), u dha shteteve juridiksionin për të nxjerrë ligje mbi këtë çështje të veçantë.


Të paktën njëzet prej tyre që atëherë kanë vendosur kufizime të rënda ose ndalime të plota për procedurat e abortit. Çështja ka zënë, në një masë të jashtëzakonshme, fushatën elektorale të këtij viti. Më 5 nëntor, burrave dhe grave amerikane u kërkohet gjithashtu të vendosin për garantimin e të drejtës së abortit në jo më pak se dhjetë shtete.

Studimi i ri, nga Maria Gallo dhe Parvati Singh i Universitetit Shtetëror të Ohajos dhe i publikuar në internet në revistën JAMA Pediatrics, analizon të dhënat e bazës së të dhënave mbi efektet e kufizimeve të abortit. Gjetjet janë në përputhje me dy studime të tjera të publikuara në fillim të këtij viti, ekskluzive për shtetin e Teksasit, ku aborti tani është i jashtëligjshëm, edhe në rastet kur shtatzënia është rezultat i incestit ose përdhunimit.

Në muajt pas vendimit të Gjykatës së Lartë, "vdekshmëria e fëmijëve në SHBA ishte shumë më e lartë se sa do të prisnim," tha për AFP Maria Gallo, një profesore e epidemiologjisë e specializuar në shëndetin riprodhues. Në tetor 2022, mars 2023 dhe prill 2023, shkalla e vdekshmërisë së fëmijëve ishte 7% më e lartë se zakonisht në nivel kombëtar, me 247 vdekje shtesë në secilin prej atyre muajve. Në shumicën e rasteve, vdekjet i janë atribuar anomalive kongjenitale.

Hapi tjetër për të dy studiuesit do të jetë të përcaktojnë nëse kjo rritje është parë në të gjitha shtetet, apo është përqendruar në ato që kanë vendosur kufizime për aksesin në abort.

 

shba abort vdekje

Sondazh

Poll

MË SHUMË