Aktualitet

Pronari i karburantit u kërkoi paratë për furnizimin e mjetit, dy të rinjtë dhunojnë dhe kanosin me armë 49-vjeçarin në Mirditë, identifikohen autorët (EMRAT)

Dy të rinjtë  kishin refuzuar të paguanin për furnizimin e automjetit të tyre me karburant dhe pasi pronari i ka kërkuar pagesën ata e kanë kanosur me armë zjarri.

16 Tetor 2024, 12:27 Nga N.F
Pronari i karburantit u kërkoi paratë për furnizimin e mjetit, dy
Foto ilustruese

MIRDITË- Pronari i një karburanti në Mirditë është dhunuar dhe kanosur me armë zjarri nga dy persona të identifikuar si Kristjan Marku alias Kristjan Bashaj dhe Aleksandër Senaj. Dy të rinjtë  kishin refuzuar të paguanin për furnizimin e automjetit të tyre me karburant dhe pasi pronari i ka kërkuar pagesën ata e kanë kanosur me armë zjarri.

Sipas policisë ata e kanë dhunuar pronarin në ambientet e biznesit të tij. Policia është vënë në ndjekje të tyre. Materialet procedurale i kaluan Prokurorisë së Lezhës, për hetime të mëtejshme.

Njoftimi:

Pas kallëzimit të një 49-vjeçari, se në ambientet e karburantit që kishte në pronësi, në Mirditë, ishte dhunuar dhe kanosur me armë zjarri, nga 2 shtetas të cilët kishin refuzuar të paguanin për furnizimin e automjetit të tyre me karburant, shërbimet e Komisariatit të Policisë Mirditë kanë organizuar punën dhe kanë shkuar menjëherë në vendngjarje.

Si rezultat i veprimeve hetimore të shpejta, janë identifikuar autorët e dyshuar të këtij rasti, shtetasit Kristjan Marku alias Kristjan Bashaj, 29 vjeç dhe Aleksandër Senaj, 28 vjeç, ky i fundit, aktualisht në kërkim nga Policia e Tiranës, për një tentativë për vrasje.

Me qëllim lokalizimin, kapjen dhe vënien në pranga të autorëve, po kryhen kontrolle intensive, si dhe po hetohet për të përcaktuar itinerarin e lëvizjes së automjetit të këtyre 2 shtetasve, pas largimit nga karburanti. Materialet procedurale i kaluan Prokurorisë së Lezhës, për hetime të mëtejshme.

mirdite policia

Sondazh

Poll

MË SHUMË