Sport

Konfederata Afrikane hap hetimin për incidentin me Nigerinë në aeroportin libian

Në një deklaratë, CAF garanton se çështja i është përcjellë komitetit të saj disiplinor

15 Tetor 2024, 15:56 Nga DOSJA
Konfederata Afrikane hap hetimin për incidentin me Nigerinë në

NIGERI - Konfederata Afrikane e Futbollit (CAF) hapi një hetim këtë të hënë pas ankesës së Nigerisë për "trajtimin çnjerëzor" të ekipit të saj në një aeroport libian, nga ku u kthye pa luajtur në ndeshjen kualifikuese të Kupës së Kombeve Afrikane (CAN).

Në një deklaratë të bërë publike sot, CAF garanton se çështja i është referuar komisionit të saj disiplinor për të hetuar dhe marrë masat e duhura ndaj atyre që kanë shkelur statutin e saj.

"CAF kontaktoi autoritetet libiane dhe nigeriane, pasi u informua se ekipi kombëtar i futbollit nigerian dhe ekipi i tij teknik ishin mbajtur në kushte shqetësuese për disa orë në një aeroport, ku autoritetet libiane dyshohet se i kishin urdhëruar ata të uleshin."

Reagimi i CAF vjen pas një ankese të bërë nga ekipi nigerian, pasi qëndroi më shumë se 12 orë në një aeroport libian pa ngrënë apo pirë, sipas Federatës Nigeriane të Futbollit (NFF).

"Qeveria libiane anuloi uljen tonë të miratuar në Bengazi, pa asnjë arsye. Ata mbyllën dyert e aeroportit dhe na lanë pa lidhje telefonike, ushqim apo pije",- denoncoi kapiteni i ekipit, William Troost Ekong, në rrjetet e tij sociale, ku ndau fotografi.

Skuadra nigeriane duhej të ulej në Bengazi, në veri të Libisë, të dielën, por avioni i saj u devijua në qytetin e Al Abraq, rreth 230 kilometra larg, prandaj ndeshja mes Libisë dhe Nigerisë, për kualifikimin e CAN në Grupi D, nuk do të zhvillohet.

Në një deklaratë, Federata Libiane e Futbollit (LFF) tha se ishte "thellësisht e shqetësuar për raportet në lidhje me devijimin e fluturimit të ekipit nigerian".

"Ndërsa na vjen keq për çdo shqetësim të shkaktuar, është thelbësore të pranojmë se çështje të tilla mund të lindin për shkak të protokolleve rutinë të kontrollit të trafikut ajror, kontrolleve të sigurisë ose sfidave logjistike, të cilat nuk janë të rralla në udhëtimet ndërkombëtare,"- argumentoi LFF për të justifikuar incidentin.

B.T (Dosja.al)

Sondazh

Poll

MË SHUMË