Bota

Planifikoi sulmin terrorist të 7 tetorit, shërbimi sekret izraelit eleminon komandantin e Hamasit

Në shtator 2024, avionët luftarakë të Forcave Ajrore izraelite, të udhëhequr nga Inteligjenca Ushtarake dhe Shin Bet, shënjestruan dhe vranë Abu Daqqa.

14 Tetor 2024, 20:24 Nga DOSJA
Planifikoi sulmin terrorist të 7 tetorit, shërbimi sekret izraelit
Samer Abu Daqqa

IZRAEL- IDF dhe Shin Bet (shërbimi sekret izraelit) kanë eliminuar kreun e operacioneve ajrore të Hamasit, Samer Abu Daqqa. Abu-Daqqa ishte një figurë kyçe pas paragliderëve dhe dronëve të përdorur për të depërtuar në territorin izraelit më 7 tetor. Në shtator 2024, avionët luftarakë të Forcave Ajrore izraelite, të udhëhequr nga Inteligjenca Ushtarake dhe Shin Bet, shënjestruan dhe vranë Abu Daqqa.

Ai e kishte marrë rolin pasi udhëheqësi i mëparshëm u eliminua në tetor 2023. Abu Daqqa ishte përgjegjës për sulme të shumta terroriste ajrore, duke përfshirë lëshimin e dronëve drejt Izraelit dhe ushtarëve të IDF. Ai ishte thelbësor në zhvillimin e aftësive ajrore të Hamasit dhe orkestroi përdorimin e paragliderëve dhe avionëve pa pilot gjatë sulmit vdekjeprurës më 7 tetor.

Përpara se të merrte rolin e tij udhëheqës, Abu Daqqa shërbeu si kreu i operacioneve të UAV-ve të Hamasit deri në Operacionin “Ruajtësi i Mureve” në maj 2021. Ai gjithashtu mbikëqyri prodhimin e armëve në njësinë e prodhimit të Hamasit, duke kontribuar ndjeshëm në projektet që synojnë rritjen e aftësive ajrore të Hamasit në Gaza. Në korrik, IDF goditi një objekt të Hamasit në Rafah, i cili ruante paragliderët e përdorur më 7 tetor. Në të kaluarën, ai shërbeu si drejtues i njësisë së dronëve dhe ishte përgjegjës për prodhimin e armëve të Hamasit.

samer abu daqqa

Sondazh

Poll

MË SHUMË