Bota

"Nuk do ketë prerje shiritash"/ Ministri i Brendshëm italian: Emigrantët e parë në qendrat shqiptare do të shkojnë javën e ardhshme

Piantedosi në një ngjarje të organizuar nga gazeta e përditshme Il Foglio, tha se qendrat nuk do të jenë tela me gjemba dhe me regjime të lehta paraburgimi.

12 Tetor 2024, 22:04 Nga I.A
"Nuk do ketë prerje shiritash"/ Ministri i Brendshëm
Matteo Piantedosi

ITALI- Ministri i Brendshëm Matteo Piantedosi tha të shtunën se emigrantët e parë do të mbërrijnë javën e ardhshme në dy qendrat e emigrantëve që Italia ka ngritur në territorin shqiptar. Piantedosi në një ngjarje të organizuar nga gazeta e përditshme Il Foglio, tha se qendrat nuk do të jenë tela me gjemba dhe me regjime të lehta paraburgimi.

"Ne presim të fillojmë javën e ardhshme. Ne realisht presim që personat e parë të dërgohen në qendrat në Shqipëri javën e ardhshme. Nuk do të ketë prerje shiritash, qendrat janë të ngjashme me ato në Itali me regjime të lehta paraburgimi. Nuk ka tela me gjemba, ka kujdes shëndetësor. Të gjithë mund të aplikojnë për mbrojtje ndërkombëtare (tek ata) dhe ta marrin atë brenda ditësh", tha Piantedosi. 

Qendrat, rezultat i një marrëveshjeje mes kryeministrit italian Giorgia Meloni dhe kryeministrit shqiptar Edi Rama, fillimisht ishte menduar të hapeshin në maj, por ka pasur vonesa në ndërtim dhe procedura. Skema është kritikuar nga grupet e të drejtave si eksternalizimi i procesit të migracionit dhe krijimi i një Guantanamo të re, por disa vende të tjera evropiane kanë shprehur interes për ta imituar atë. Kryeministri britanik Keir Starmer shprehu interes të veçantë për skemën dhe lëvizjet e tjera që kanë ulur migrimin në Itali këtë vit, në një vizitë në Romë muajin e kaluar. Meloni ka theksuar se në bazë të protokollit dypalësh për ngritjen e qendrave, gratë, fëmijët dhe të ‘brishtët’ nuk do të dërgoheshin në Shqipëri pasi të shpëtoheshin nga anijet italiane.

matteo piantedosi

Sondazh

Poll

MË SHUMË