PD thotë se vendimi ishte i pakonsultuar në Konferencën e Kryetarëve dhe personal i kryetares së Kuvendit, Elisa Spiropalit.
TIRANË- Grupi Parlamentari Partisë Demokratike ka reaguar lidhur me vendimin për anulimin e seancës së sotme plenare.
PD thotë se vendimi ishte i pakonsultuar në Konferencën e Kryetarëve dhe personal i kryetares së Kuvendit, Elisa Spiropalit. Ata e kanë e cilësuar si vendim antikushtetues dhe që bie ndesh me çdo parim demokratik të funksionimit të Parlamentit.
"Kuvendi është tempulli i përfaqësimit të qytetarëve, që nuk mund të trajtohet kurrë si qelia e Pëllumb Gjokës.", thuhet ndër të tjera në reagimin e PD-së.
REAGIM I GRUPIT PARLAMENTAR TË PARTISË DEMOKRATIKE
Kuvendi i Shqipërisë është institucion kushtetues, që funksionon sipas Kushtetutës dhe Rregullores së Kuvendit. Seanca plenare dhe plani i punës së Kuvendit miratohen nga Konferenca e Kyetarëve me mirëkuptim apo nga seanca plenare, që ka përcaktuar me vendim se dita e enjte, datë 10 Tetor 2024, është ditë për mbledhjen e Kuvendit në seancë plenare. Kryetarja e Kuvendit ka vetëm detyrimin për të caktuar çështjet qe trajtohen, pra Rendin e Ditës.
Anullimi i seancës me vendim personal të Elisa Spiropalit është antikushtetues dhe bie ndesh me çdo parim demokratik të funksionimit të Parlamentit. Kuvendi nuk është qelia personale në burg e Pëllumb Gjokës, që për shkak të lidhjeve me pushtetin, ai e hap e mbyll sa herë dëshiron. Kuvendi është tempulli i përfaqësimit të qytetarëve, që nuk mund të trajtohet kurrë si qelia e Pëllumb Gjokës.
Grupi Parlamentar i Partisë Demokratike dënon me forcë sjelljen e Kryetares së Kuvendit Elisa Spiropali, që hap e mbyll punimet e Kuvendit, pa asnjë konsultim, pa ndjekur asnjë rregull, duke shkelur Kushtetutën dhe Rregulloren e Kuvendit, dhe duke e shndërruar zyrtarisht Parlamentin e Shqipërisë në qelinë personale në burg ku strehohet Pëllumb Gjoka apo të ngjashmit e tij.
Lajmi për anullimin e seancës plenare u dha dje, ndërsa shkak i këtij vendimi mësohet të jetë aksioni opozitar dhe vizita e presidentit turk Rexhep Tajip Erdogan në Tiranë. Seanca plenare e kësaj të enjteje u njoftua se do të zhvillohet në datën 17 tetor. Nga ana tjetër, Erdogan do të vizitojë sot Tiranën teksa pritet të inaugurojë edhe xhaminë e Namazgjasë pranë parlamentit. Po ashtu për ditën e sotme ishte paralajmëruar edhe aksioni i radhës i opozitës në parlament. Disa prej deputetëve të mazhorancës, së bashku me kryeministrin Edi Rama dhe ministrat do të jenë në pritjen e Erdogan.
rexhep tajip erdogan dhe edi rama TIRANË- Presidenti turk Rexhep Tajip Erdogan vjen ditën e sotmepër vizitë njëditore në Tira...
Fatmir Xhafaj TIRANA- Deputeti i Partisë Socialiste, Fatmir Xhafaj ka folur sot për çështjen "Babalja". I ftuar në emisioni...
Fatmir Xhafaj TIRANA- Deputeti i Partisë Socialiste, Fatmir Xhafaj ka folur sot për herë të parë për vëllanë e...
Fatmir Xhafaj TIRANA- Deputeti i Partisë Socialiste, Fatmir Xhafaj thotë se në çështjen “Babale” janë p&eu...
Fatmir Xhafaj TIRANA- Deputeti i Partisë Socialiste, Famtir Xhafaj ka deklaruar sot se nuk ka qenë gazetari Jetmir Olldashi që i d...
Fatmir Xhafaj TIRANA- Deputeti i Partisë Socialiste, Fatmir Xhafaj, tha sot se ai nuk donte të shihte një politikan në burg, por s...
Recep Tayyip Erdoğan TIRANA- Presidenti turk Recep Tayyip Erdogan do të marrë pjesë në hapjen e Xhamisë Namazgjasë n&eum...
Ilirjan Celibashi TIRANË- Kryetari i Komisionit Qendror të Zgjedhjeve, Ilirjan Celibashi tha se duke nisur nga 11 janar nisin aplikimet n&eu...
Kuvendi TIRANA- Ditën e nesërme nuk do të zhvillohet seancë plenare në Kuvendin dhe shkak për këtë mësohe...
Përfaqësuesit e 12 vendeve të Evropës Juglindore dhe presidenti ukrainas, Volodymyr Zelensky, pozojnë gjatë samitit për Ukr...