Aktualitet

Shqiptari Dorian Puka u rikthye ilegalisht në Britani, deputeti anglez: Ai po shëtit në Londër me Ferrari dhe ne nuk e deportojmë dot! Të largohemi nga GJEDNJ

Ai ka publikuar një video në rrjetin social "Tik Tok" ku thotë se Britania duhet të largohemi nga GJEDNJ dhe të ndjekë ligjet e saj, pasi në të kundërt nuk mund t'i largojë kontigjentët kriminalë.

9 Tetor 2024, 18:42 Nga DOSJA

 

Shqiptari Dorian Puka u rikthye ilegalisht në Britani, deputeti anglez: Ai
Dorian Puka dhe Nigel Farage

BRITANI- Deputeti britanik Nigel Farage ka reaguar në rrjetet sociale lidhur me rastin e shqiptarit Dorian Puka i cili është burgosur dhe deportuar dy herë për vjedhje nga Britania e Madhe dhe është rikthyer. Deputeti Farage ka sulmuar sistemin e emigracionit në Mbretërinë e Bashkuar pasi publikimit të pamjeve të 28-vjeçarit nga Lezha duke drejtuar një Ferrari në rrugët e Londrës. Ai ka publikuar një video në rrjetin social "Tik Tok" ku thotë se Britania duhet të largohemi nga GJEDNJ dhe të ndjekë ligjet e saj, pasi në të kundërt nuk mund t'i largojë kontigjentët kriminalë.

@nigel_farage

We must leave the ECHR.

♬ original sound - Nigel Farage

Farage kritikoi pamundësinë për të dëbuar Pukën për shkak të një kërkesë azili në pritje. Puka, i cili është burgosur dhe deportuar dy herë për vjedhje në banesa, së fundmi ka postuar në rrjetet sociale një video 90 sekondëshe të tij duke drejtuar një Ferrari 300 mijë paund.

Zyra e Brendshme ka pranuar se është e pafuqishme të largojë sërish Pukën derisa kërkesa e tij për azil të dëgjohet plotësisht. Ky rast ka ringjallur debatet rreth politikave të emigracionit të Mbretërisë së Bashkuar, me disa deputetë konservatorë që bëjnë thirrje për reforma në Konventën Evropiane për të Drejtat e Njeriut (ECHR).

Historia e Pukës në Britaninë e Madhe daton në vitin 2016, kur ai u burgos për nëntë muaj për tentativë vjedhjeje. Pas dëbimit, ai u kthye brenda një viti dhe kreu më shumë vjedhje në Londër. Ai u kap, u dënua me tre vjet e gjysmë dhe u deportua sërish në mars 2020. I pashqetësuar, Puka hyri sërish në Britani në dhjetor 2020, duke udhëtuar nëpër disa vende evropiane.

Llogaritë e Pukës në rrjetet sociale tregojnë një mënyrë jetese luksoze. Përveç videos së Ferrarit, ai ka postuar imazhe me makina të tjera luksoze, duke përfshirë një 'Porsche Cayenne' dhe një 'Bentley Bentayga'. Ai madje ndau foto të një pushimi në hotelin Carbis Bay në Cornwall.

nigel farage

Sondazh

Poll

MË SHUMË