Aktualitet

VIDEO/ EKSKLUZIVE: Nesër Erdogan zhvillon vizitë zyrtare në Shqipëri, pritet inaugurimi i xhamisë së Namazgjasë, ja përgatitjet që po bëhen

Në ceremoni do të jetë të pranishëm, presidenti turk Recep Tayyip Erdogan, kryeministri Edi Rama, ndërsa KMSH do të përfaqësohet nga Myftiu i Tiranës, Gazment Teqja, i cili do të jetë gjithashtu edhe kreu i bordit të fondacionit të përbashkët, mes KMSH dhe palës tjetër, që do të administrojë Xhaminë e Namazgjasë.

9 Tetor 2024, 15:30 Nga M.B
VIDEO/ EKSKLUZIVE: Nesër Erdogan zhvillon vizitë zyrtare në
Xhamia

TIRANA- Dita e nesërme do të shënojë inaugurimin e xhamisë së Namazgjasë në Tiranë. Në ceremoni do të jetë të pranishëm, presidenti turk Recep Tayyip Erdogan, kryeministri Edi Rama, ndërsa KMSH do të përfaqësohet nga Myftiu i Tiranës, Gazment Teqja, i cili do të jetë gjithashtu edhe kreu i bordit të fondacionit të përbashkët, mes KMSH dhe palës tjetër, që do të administrojë Xhaminë e Namazgjasë.

Siç mund të shihet dhe nga videot e siguruara nga Dosja.al, në ambientet e xhamisë së Namazgjasë vijojnë përgatitjet për inaugurimin e ditës së nesërme. Në fasadë janë vendosur prej ditësh flamuj turq dhe shqiptarë. Po ashtu punonjësit e mirëmbajtjes shihet se vijojnë me rregullimet e fundit në pjesën e oborrit të xhamisë, por edhe në ambientet e brendshme.

Nga ana tjetër, në aeroportin e Rinasit, ka mbërritur dhe është stacionuar një avion special nga Turqia, siç mund të shihet nga imazhi i siguruar nga Dosja.al, si pjesë e masave parapërgatitore. 

VIDEO/ EKSKLUZIVE: Nesër Erdogan zhvillon vizitë zyrtare në

Ditën e djeshme, teksa njoftoi për datën e inaugurimit të xhamisë së Namazgjasë dhe për të pranishmit në ceremoni, Komuniteti Mysliman Shqiptar në njoftimin publik, falenderoi popullin turk, presidentin Erdogan, si edhe kryeministrin Edi Rama pasi sipas KMSH-së, bënë të mundur realizimin e kësaj ëndrre të besimtarëve myslimanë shqiptarë.

Po në fakt historia e xhamisë së Namazgjasë nis shumë më herët se Kryeministri Edi Rama të vinte në pushtet duke fituar në zgjedhjet e qershorit 2013. Inauguriumi i themelev të kësaj xhamie u bë më 20 prill të viti 2013, çka do të thotë se ishte qeveria Berisha, jo vetëm në pushtet, por mesa duket dhe palë iniciatore e këtij projekti.

 

 

xhamia e namazgjase

Sondazh

Poll

MË SHUMË