Sport

Mesfushori çek, kërcënon kuqezinjtë: “Janë të pakëndshëm, por ne i kalojmë!”

Futbollisti po luan më në fund rregullisht me ekipin e Espanjol dhe pasi humbi EURO 2024 pikërisht se nuk po luante te Union Berlin, beson se do të luajë përsëri në këtë cikël të ri tani që po aktivizohet në La Liga.

8 Tetor 2024, 19:37 Nga DOSJA
Mesfushori çek, kërcënon kuqezinjtë: “Janë

ÇEKI - Aleks Kral është kthyer përsëri në grumbullimin e Çekisë dhe shpreson që të bëhet një emër i rëndësishëm i mesfushës së saj. Futbollisti po luan më në fund rregullisht me ekipin e Espanjol dhe pasi humbi EURO 2024 pikërisht se nuk po luante te Union Berlin, beson se do të luajë përsëri në këtë cikël të ri tani që po aktivizohet në La Liga.

“Çdo lojtar dëshiron të jetë në Europian, pasi është një turne i madh dhe një kujtim i bukur kur sheh pas në atë që ke bërë gjatë karrierës. Nga pikëpamja ime më vinte keq, por e kam përjetuar shumë pozitivisht këtë kthim në radhët e përfaqësues dhe e prisja me padurim pasi jam i lumtur këtu”, tha sot mesfushori në grumbullimin e përfaqësueses së tij, e cila po përgatitet për ndeshjen ndaj Shqipërisë që luhet këtë të premte në Pragë. Kral theksoi se njihte kuqezinjtë dhe se ata janë një kundërshtar i vështirë, por i kalueshëm për skuadrën çeke.

“Janë një kundërshtar i pakëndshëm. Ata luajnë me shpejtësi përpara, kanë tranzicione të shpejta. Ne gjithashtu e pamë këtë në ndeshjen e tyre ndaj Ukrainës, kjo është diçka për të cilën duhet të kemi kujdes. Por mendoj se padyshim ata janë një kundërshtar i kalueshëm”, tha mesfushori i Çekisë.

B.T (Dosja.al)

Sondazh

Poll

MË SHUMË