Sport

Gjesti i Bellingham ndaj Alexander-Arnold nuk kaloi pa u vënë re nga tifozët e Realit!...

Të dy lojtarët kanë një marrëdhënie të shkëlqyer, ndërkohë që lojtari i Liverpool tani është në shënjestër të Real Madridit

8 Tetor 2024, 17:35 Nga DOSJA

Gjesti i Bellingham ndaj Alexander-Arnold nuk kaloi pa u vënë re nga

ANGLI - Alexander-Arnold mbushi 26 vjeç, dje më 7 tetor, dhe e festoi në kampin stërvitor të skuadrës angleze. Aty ishte edhe Jude Bellingham, i cili nuk ka ngurruar t'i përgatisë një surprizë lojtarit të Liverpool-it. 

Në sallën e kampingut të Anglisë qëndronte një pankartë e madhe, që uronte Alexander-Arnold-in për ditëlindjen. Pas atij posteri fshihej Bellingham, i cili duket se ka qenë ideologu i asaj mënyre të veçantë për të uruar shokun e skuadrës.

Alexander-Arnold zbriti, pa posterin dhe mori surprizën nga Bellingham, i cili u shfaq për të uruar lojtarin e Liverpool. Të dy kanë një marrëdhënie të shkëlqyer dhe kjo mund të jetë çelësi që mbrojtësi i djathtë anglez të përfundojë te Real Madrid.

Klubi i bardhë ka kohë që i është vënë pas Alexander-Arnold, i cili ende nuk ka rinovuar me Liverpool-in, me të cilin ka kontratë deri në qershor të vitit 2025. Real Madridi ka besim se kjo situatë do të vazhdojë dhe mbrojtësi i krahut do të përfundojë në Bernabéu falas sezonin e ardhshëm. 

Diçka që Liverpooli dëshiron të shmangë, pasi vazhdon të punojë që Alexander-Arnold të rinovojë. Për momentin nuk e ka arritur asgjë dhe muaji janar po afrohet gjithnjë e më shumë. Dhe kur të vijë janari, mbrojtësi i krahut mund të nënshkruajë me Real Madridin për sezonin e ardhshëm pa qenë në gjendje ta parandalojë Liverpool-i.

B.T (Dosja.al)

Sondazh

Poll

MË SHUMË