Aktualitet

Tentoi të kalonte mbi 14 mijë euro të padeklaruara në Kakavijë, procedohet 54-vjeçari, sekuestrohet shuma e parave

Policia bën me dije se 54-vjeçari u procedua në gjendje të lirë për veprën penale “Mosdeklarimi në kufi i të hollave dhe i sendeve me vlerë”.

8 Tetor 2024, 12:47 Nga N.F
Tentoi të kalonte mbi 14 mijë euro të padeklaruara në
Paratë e sekuestruara

KAKAVIJË- Një 54-vjeçar është proceduar ditën e sotme në Kakavijë. Mësohet se 54-vjeçari ka tentuar të kalojë në dalje të Shqipërisë një shumë prej 14500 euro të padeklaruara.

Policia bën me dije se 54-vjeçari u procedua në gjendje të lirë për veprën penale “Mosdeklarimi në kufi i të hollave dhe i sendeve me vlerë”. Gjithashtu, u sekuestrua në cilësinë e provës materiale, shuma e eurove. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.

Njoftimi i plotë:

Kakavijë/ Si rezultat i rritjes së vigjilencës së shërbimeve të Policisë Kufitare, me qëllim parandalimin dhe goditjen e krimeve në kufi, në dalje të Shqipërisë, u krye kontroll në çantën e shtetasit R. H., ku u gjetën 14 500 euro, të cilat ky shtetas nuk i kishte deklaruar konform ligjit.

Në vijim të veprimeve procedurale për rastin, u referuan materialet në Prokurori, ku nisi procedimi në gjendje të lirë për veprën penale “Mosdeklarimi në kufi i të hollave dhe i sendeve me vlerë”, për shtetasin R. H., 54 vjeç, banues në Vlorë. Gjithashtu, u sekuestrua në cilësinë e provës materiale, shuma e eurove.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.

kakavije euro te padeklaruara

Sondazh

Poll

MË SHUMË