Bota

Sulmi raketor drejt Izraelit, BE dënon ashpër veprimet e Iranit: Cikli i rrezikshëm i sulmeve dhe hakmarrjes rrezikon të dalë jashtë kontrollit

Borrell shkruan se BE-ja mbetet e përkushtuar për të kontribuar në shmangien e një luftë rajonale.

1 Tetor 2024, 22:45 Nga r.ll
Sulmi raketor drejt Izraelit, BE dënon ashpër veprimet e Iranit: Cikli
josep borrell

BRUKSEL- Bashkimi Europian ka dënuar sulmet e Iranit dhe përsërit thirrjen për armëpushim në konfliktin në të gjithë rajonin e Lindjes së Mesme.

Zëvendëspresidenti i Komisionit Evropian, Josep Borrell shkruan në "X" se BE-ja mbetet e përkushtuar për të kontribuar në shmangien e një luftë rajonale.

POSTIMI I BORRELL:

BE-ja dënon në termat më të ashpër sulmin e Iranit kundër Izraelit. Cikli i rrezikshëm i sulmeve dhe hakmarrjes rrezikon të dalë jashtë kontrollit. Nevojitet një armëpushim i menjëhershëm në të gjithë rajonin. BE-ja mbetet plotësisht e përkushtuar për të kontribuar për të shmangur një luftë rajonale.

Irani nisi sulmin me raketa balistike ndaj Izraelit, në shenjë hakmarrje për vrasjen e liderit të Hezbollahut dhe Hamasit. Urdhri për lëshimin e gati 200 raketave në Izrael është bërë nga udhëheqësi suprem i Iranit, Ali Khamenei. Televizioni shtetëror iranian ka përcjellë një deklaratë nga IRGC (Korpusi i Gardës Revolucionare Islamike) ku parlajmërohej një sulm tjetër nëse Izraeli përgjigjet. Ky i fundit është zotuar për hakmarrje dhe ka njoftuar se sulmi do të ketë pasoja. 

josep borrell konflikti izrael-iran

Sondazh

Poll

MË SHUMË