Aktualitet

Pjesë e grupit kriminal që trafikonte emigrantë drejt BE-së, 34-vjeçari me dy mbiemra ekstradohet nga Suedia

Gjykata e Posaçme e Shkallës së Parë për Korrupsionin dhe Krimin e Organizuar, në vitin 2022, i kishte caktuar 34-vjeçarit masën e sigurisë “Arrest në burg”, për veprën penale “Ndihma për kalim të paligjshëm të kufijve”, kryer në kuadrin e grupit të strukturuar kriminal.

28 Shtator 2024, 10:45 Nga r.ll

Pjesë e grupit kriminal që trafikonte emigrantë drejt BE-së,

TIRANË- Policia e Shtetit ka njoftuar ekstradimin nga Suedia të një 34-vjeç, pjesëtar i një grupi kriminal. Klajdi Kondo alias Klajdi Meto ishte pjesë e grupit kriminal që gjatë viteve 2020 dhe 2021, ka transportuar emigrantë, drejt shteteve të BE-së, ilegalisht, me skaf.

Gjykata e Posaçme e Shkallës së Parë për Korrupsionin dhe Krimin e Organizuar, në vitin 2022, i kishte caktuar 34-vjeçarit masën e sigurisë “Arrest në burg”, për veprën penale “Ndihma për kalim të paligjshëm të kufijve”, kryer në kuadrin e grupit të strukturuar kriminal.

NJOFTIMI I POLICISË:

Policia e Shtetit

Operacioni “Para drejtësisë”, ekstradohet nga Suedia, pjesëtari i një grupi të strukturuar kriminal.

Grupi ku bënte pjesë ky shtetas, gjatë viteve 2020 dhe 2021, ka transportuar emigrantë, drejt shteteve të BE-së, ilegalisht, me skaf.

Si rezultat i koordinimit të informacioneve dhe veprimeve policore, ndërmjet Interpol Tiranës dhe homologëve në Suedi, u finalizua procedura për ekstradimin në Shqipëri të shtetasit të shpallur në kërkim ndërkombëtar, të arrestuar në Suedi, K. K. alias K. M., 34 vjeç, i lindur në Fier.

Gjykata e Posaçme e Shkallës së Parë për Korrupsionin dhe Krimin e Organizuar, në vitin 2022, i ka caktuar këtij shtetasi, masën e sigurisë “Arrest në burg”, për veprën penale “Ndihma për kalim të paligjshëm të kufijve”, kryer në kuadrin e grupit të strukturuar kriminal.

Shtetasi K. K. alias K. M. akuzohet se gjatë periudhës 2020-2021, në bashkëpunim me shtetas të tjerë, ka transportuar ilegalisht me skaf drejt Italisë dhe shteteve të tjera, kundrejt fitimeve, emigrantë sirianë, egjiptianë dhe iranianë.

klajdi kondo alias klajdi meto

Sondazh

Poll