Aktualitet

Tentoi të kalonte në Kapshticë 30 mijë euro të padeklaruara, procedohet penalisht 38-vjeçari

Procedimi i tij u bë për kryerjen e veprës penale “Mosdeklarimi në kufi i të hollave dhe i sendeve me vlerë”.

26 Shtator 2024, 08:40 Nga r.ll
Tentoi të kalonte në Kapshticë 30 mijë euro të
foto ilustruese

KAPSHTICË- Një 38-vjeçar është proceduar penalisht pasi tentoi të fuste nga Greqia në Shqipëri një shumë parash prej 30 mijë euro të padeklaruara. Procedimi i tij u bë për kryerjen e veprës penale “Mosdeklarimi në kufi i të hollave dhe i sendeve me vlerë”. Gjithashtu, u sekuestruan në cilësinë e provës materiale, shuma e eurove.

NJOFTIMI I POLICISË:

Kishte fshehur në kabinën e kamionit që drejtonte, 30 000 euro që t’i fuste në Shqipëri, pa i deklaruar, procedohet penalisht 38-vjeçari.

Sekuestrohet shuma e eurove.

Në vijim të punës së shërbimeve të Policisë Kufitare, më qëllim parandalimin dhe goditjen e paligjshmërive në kufi, në PKK Kapshticë, në hyrje të RSh-së, u kalua në vijë të dytë, për kontroll të detajuar, kamioni tip “Volvo”, me drejtues shtetasin G. Gj.. Gjatë kontrolleve, në kasetën e kabinës së kamionit, u gjetën të fshehura 30 000 euro, të cilat shtetasi G. Gj. synonte t’i fuste në Shqipëri, pa i deklaruar konfrom ligjeve në fuqi.

Në përfundim të veprimeve procedurale për rastin, specialistët për Hetimin e Krimeve të DVKM Korçë referuan materialet në Prokurori, ku nisi procedimi në gjendje të lirë për shtetasin G. Gj., 38 vjeç, banues në Tiranë, për veprën penale “Mosdeklarimi në kufi i të hollave dhe i sendeve me vlerë”. Gjithashtu, sekuestruan në cilësinë e provës materiale, shumën e eurove.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

kapshtice

Sondazh

Poll

MË SHUMË