Politike

Kushëri i parë me Beqajn/ "Ministrat vijnë e ikin", Burazeri: Jam konsultuar me kabinetin, ma bënë të qartë që nuk ka konflikt interesi

Ish-anëtari i komisionit të dhënies së koncesionit tha se deri në 2013, Beqajn nuk e njihte askush në shëndetësi, ndërsa atë e njihnin të gjithë.

24 Shtator 2024, 12:21 Nga r.ll
Kushëri i parë me Beqajn/ "Ministrat vijnë e ikin",
genc burazeri

TIRANË- Ish-anëtari i Komisionit të tenderit të sterilizimit, Genc Burazeri po jep dëshminë e tij para komisionit hetimor për Shërbimet Publike të Sterilizimit dhe të Check-up në Shëndetësi. 

Burazeri, i cili është në hetim për koncesionin e sterilizimit u pyet nëse ka qenë në konflikt interesi me ish-ministrin Beqaj, për shkak të afrimitetit familjar, por ai tha se pas konsultimeve u bind që nuk ishte në konflikt interesi. Ish-anëtari i komisionit të dhënies së koncesionit tha se deri në 2013, Beqajn nuk e njihte askush në shëndetësi, ndërsa atë e njihnin të gjithë.

DISKUTIMI: 

Pyetje: Nuk mendoni se kishit konflikt interesi me Ilir Beqajn, jeni kushëriri i parë, nuk mendoni se do ta dëmtonte kjo punën e komisionit?

Burazeri: Kam kërkuar interpretim siç kam kërkuar edhe për procedura të tjera. Unë kam pasur ftesa paraprake. Jam konsultuar me kabinetin, i cili më ka bërë të qartë që nuk ka konflikt interesi dhe më ka bindur pasi bazuar në ligjin përkatës, nuk e gjej veten as në konflikt faktit, as të mundshëm dhe as në dukje të interesit. Në Shëndetësi mua më njihnin, Ilir Beqajn nuk e ka njohur njeri deri në 2013, ministrat në këtë vend i paçim sa malet, janë ardhacakë dhe ikatarë, është mirë që jemi ne, ata vijnë dhe ikin

genc burazeri komisioni per koncesionet ne shendetesi

Sondazh

Poll

MË SHUMË