Politike

Votat e PD-së në zgjedhjet e vitit 2025, Berisha: Jemi partia kryesore opozitare në vend

Berisha theksoi se PD është partia opozitare kryesore në vend dhe e sigurtë që në zgjedhje të lira dhe të ndershme i rezervon Edi Ramës atë disfatë që i dha Ramiz Alisë në vitin 1992.

23 Shtator 2024, 22:57 Nga DOSJA
Votat e PD-së në zgjedhjet e vitit 2025, Berisha: Jemi partia kryesore
Sali Berisha

TIRANA- Kryetari i Partisë Demokratike Sali Berisha, ka delaruar se PD sot është partia opozitare kryesore në vend. I ftuar në Çim Peka Live në SYRI TV, Berisha foli lidhur me analizën e demokratëve se sa vota do marrin në 2025-ën dhe a do të hyjnë në zgjedhje PD dhe aletatë me një listë me qëllim maksimizimin e votave. Berisha theksoi se PD është partia opozitare kryesore në vend dhe e sigurtë që në zgjedhje të lira dhe të ndershme i rezervon Edi Ramës atë disfatë që i dha Ramiz Alisë në vitin 1992.

Pyetje: Në zgjedhjet e fundit parlamentare PD ka marrë 620 mijë vota, në fakt një numër jo i vogël votash me gjithë makinacionet e Ramës për të ndaluar opozitën e 2021 që të garonte bashkë për të ardhur në pushtet, ku sot edhe zërat kritikë e pranojnë se një listë e përbashkët në atë kohë, Edi Rama ishte në opozitës sot. A ka arritur minimalisht PD që të ruajë këtë trupë elektorale me gjithë përplasjet e forta brenda opozitës gjatë këtyre 3 viteve. Minimalisht e ruani dot këtë rezultat dhe maksimalisht pas këtyre përplasjeve duke marrë parasysh edhe deklaratat e Ramës se ju do merrni rezultatin e 1997, a keni ju një analizë se sa vota do merrni në vitin 2025?

Berisha: Ato vota PD i mori pas kulmit të përlasjeve që pati, kurse nga ajo kohë deri sot PD ka pasur procesin më të suksesshëm të bashkimit të saj. Sot jam i sigurtë që është partia opozitare kryesore në vend dhe e sigurtë që në zgjedhje të lira dhe të ndershme i rezervon Edi Ramës atë disfatë që i dha Ramiz Alisë në vitin 1992.

Pyetje: A keni kristalizuar ju një mendim se si do të prezantohen PD dhe aleatët në zgjedhjet e ardhshme, do të dilet me një listë të përbashkët apo çfarë diskutimesh ja bërë deri tani për të maksimizuar votën në zgjedhjet 2025.

Berisha: Nuk janë diskutime përfundimtare por gjithçka do të bashkërendohet me aletatët.

Sondazh

Poll