Sport

Konfirmohet dëmtimi i rëndë në gju, portieri Marc-André ter Stegen operohet sot...

I larguar me barrelë në ndeshjen kundër Villarrealit këtë fundjavë, raportohet se portieri i Barçës, Marc-André ter Stegen ka pësuar një këputje e plotë e tendinit patellar në gjurin e tij të djathtë dhe për këtë arsye do të qëndrojë larg fushës për disa muaj.

23 Shtator 2024, 13:35 Nga DOSJA

Konfirmohet dëmtimi i rëndë në gju, portieri

SPANJE - Problemet fizike vazhdojnë të vijnë te FC Barcelona. Pas Marc Bernal  (ligamentet e gjurit), por edhe Fermin Lopez (kuadriceps), tashmë është Marc-André ter Stegen ai që i bashkohet infermierisë.

Ashtu si Marc Bernal, portieri gjerman dëmtoi gjurin e tij dhe duhej të largohej gjatë ndeshjes kundër Villarrealit, duke dhënë tashmë një të dhënë për rëndësinë e dëmtimit të tij.

Barça ka komunikuar këtë të hënë për gjendjen shëndetësore të portierit të saj, duke treguar se ky i fundit i është nënshtruar ekzaminimeve mjekësore.

Klubi njoftoi se portieri i tij vuan nga një "këputje e plotë e tendinit patellar në gjurin e tij të djathtë", një dëmtim i cili zakonisht trajtohet në të paktën gjashtë muaj. Ai duhet të jetë në tryezën e operacionit këtë të hënë pasdite.

B.T (Dosja.al)

Sondazh

Poll

MË SHUMË